مش هتكلم كتير وهدخل في الموضوع
وداعا للأحزان وداعا للدموع
وداع لكل لحظة حزن علي ضوء الشموع
وداعا لكل صرخة .. والتكشير اصبح ممنوع
روحي رجعتلي من تاني برجوعك ليا ياحياتي
مليتي دنيتي من تاني ومحيتي كل اهاتي
مش هسيبك المرادي غير لما تكوني مراتي
جوايا كلام كتير بس الفرحة مش سيعاني
كل لما اكتب كلمة امسحها من تاني
لأني مش لاقي كلام اوفيكي بيه يامالكة وجداني
خمسة وخميسة في عين كل اللي هيقروا علينا
تعالي انا وانتي نخمس في وشهم بايدينا
ونطلعلهم لسانا ونغمزلهم بعنينا
وفعلا صدق الشاعر اللي قال
ان احببت شئ بشده فأطلق سراحه
فأن عاد لك فهو ملك لك
وأن لم يعد فهو لم يكن لك من البداية
اشكرك ياربي علي وقوفك جمبيا
لحد مارجعت حبيبتي تاني ليا
اسيبكم الوقتي عشان الحق اجبلها هدية
واخرج معاها واعزمها في محل فول وطعمية
ماهو حظها فقري عشان الصيام اللي في الأيام ديا