لية ديما بلاحظ اننا بنفكر فى اوقات حزننا اكتر من اوقات فرحنا
تعرفوا ان احنا قادرين نضحك حتى واحنا فى اشد الحزن
ولكن احنا بنبقى راضيين بحالنا واحنا كدة
تعالو جربوا معايا نغير حياتنا
وانت فى عز حزنك افتكر حاجة فرحتك
افتكر مقالبك مع اصحابك
وهزارك ويا اخواتك
افتكر لحظة حلوة مريت بيها
احساس جميل فى مرة عشتة
مش عايزة حد يقولى صعب
احنا قادرين نهزم اى حزن بأبتسامة جميلة
حتى وانت فى عز حزنك ابتسم وقول الحمد لله
لانك اكيد هتعرف مقاصد ربنا لكن فى وقتها
تذكر:
لكل شئ تحت السموات وقت
لانك لا تعلم ما انا اصنع لك
لن اتوقف عن صنع الخير لك
لية لما الحزن بياخدنا بنروح معاه
لية منكونش زى الصخرة وسط البحر
موجة تحبط فينا وموجة ترزعنا لكن احنا واقفين فى مكانا
لية مش بنواجة الحزن لية بنيأس ونسلم نفسنا
جرب معايا من النهاردة ومش هتندم
اول ما تلاقى حاجة هتزعلك ... ذكرى هتألمك
حول تفكيرك كلة فى حاجة تبسطك
وكأن معندكش اى مشكلة او حزن
ربنا ادانا اوقات حلوة واوقات محزنة
علشان نفرح بالحاجات الحلوة ونفتكره فى الاوقات المحزنة نلجألة
حياتك بين ايديك وانت اللى قادر تخليها سعيده او تعيسة