[Dr.PeRO]

+ أولا انا متشكر جداا على المقدمة اللى انا مستاهلهاش خالص، ومتشكر لكلماتك الجميلة، وأخيرا متشكر عشان المايك

+ أحب أبدأ بأنى أعرفكوا عن نفسي، اسمى بيتر موريس، 22 سنة وساكن فى أعز منظقة على قلبى: شــــــبــــرا
+ انا بحب الفن عموما، بس الفن اللى بجد ((اللى مش من ضمنه التمثيل والغنى)) عشان دول فى الأغلب بيبقى الانسان مولود بيهم (وزنة من ربنا يعنى) ومابيكونش ليه دور يذكر فى اخراجهم امام الناس
+ انا هوايتى الموسيقى أولاً (التوزيع الموسيقي) وثانيا الرسم، وثالثاً المونتاج ... وده لأنى مش مختلط كتير مع الناس فلاقى وقت كبير لتنمية الهوايات ديه لتصبح مواهب، وطبعاً غير وقت المذاكرة بحب امارس الهوايات ديه فى حجرتى وبعيداً عن الدوشة والمشاكل .. وبحب منتدى أورثوذكس جداا خاصة بعد ما قفلت الاكونت بتاعى عالفيس بوك لأسباب خاصة. يعنى وقتى كله مقسم بين ربنا - المذاكرة - المنتدى - الهوايات، لحد كمان كام شهرين كده هاكمل تدريب فى الشغل.
+بالنسبة للصحاب، هما قليلين شوية بس اهم شغالين
أحب اتعامل باحترام مع كل الناس، لأن اللى مابيحترمش نفسه مش ممكن يعرف حتى يحاول انه يحترم ربنا !! اكتر حاجة بكرها فى الشباب هى التقليد، الولاد بياخدوا السجاير والمخدرات تقليد (عشان يبقى اسمك راجل)، بيخدوا البلطجة من أفلام الأكشن تقليد (عشان تبقى فتوة فى حتتك ومحدش يديك على قفاك)، بياخدوا الحب تقليد من كل اللى حولهم، يخرجوا من قصة حب ينطوا على بعديها ومابيبطلوش كأن الحب ده قرص حشيش بيدمنوه!!
والبنات، رقم واحد اللبس، مش محتاج اتكلم عنه عشان زهقت .. مجاراة للموضه التعبانة، وفراااغ ونقص عميق فى الشخصية .. حتى اصبح اللى بيحترم نفسه فى اللبس وبالذات من البنات بيبصوله وكأنه من كوكب آخر !!! انا مش عارف ايه هايجرى لو اللبس وسع شوية عشان يدي حرية حتى للحركة، مش عارف ايه اللى هايجري لو حتى أحترمنا بيت ربنا لما نجي ندخله، مش عارف ايه اللى هايجرى لو لمينا رحنا فى الأعياد والأفراح واختارنا لبس يليق بالبشر عموما قبل ما يليق بولاد ربنا!! مع ان بجد اغلب البنات ديه بتبقى تافه لأقصى حد وعقلها بيبقى بنفس حجم حبة الخردل بأمانة ان شوفت فى اجتماعات الشباب العجب!! من الآخر هى ديه صفات شباب القرن الواحد وعشرين، شباب تييييت يعني معلش سامحونى المرة ديه.