رد: كلنا لازم نعمل كده كفاية سلبية وخوف
كُتب : [ 02-13-2011
- 03:15 PM
]
اقتباس
المشاركة الأصلية كتبت بواسطة رويس
1.الغاء الماده 2 من الدستور اللي بتنص ان القرآن هو المصدر الرئيسي للتشريع، احنا عاوزينها علمانية وليست مدنية الناس لازم تاخد بالها ان لو فضلت مدنية يبقي الماده التانيه دي هاتفضل زي ما هي.
2.عمل قانون موحد لدور العبادة.
3.اعتماد قانون الاحوال الشخصية اللي قدمه البابا ووافقت عليه جميع كنائس العالم من اربعين سنه وهو لسه محطوط في الادراج.
الثلاث حاجات (علي الاقل طبعاً) لازم نقولها دلوقتي
الطرق علي الحديد وهو ساخن، ولما مخدناش الحقوق دي مش هانعرف ناخدها كمان 50 سنه تانية.
ندخل بقي علي الموضوع الرئيسي وهو اللي عاوزة، انا لقيت علي النت زي حمله جميلة للناس بتتلخص في 12 نقطة عن اللي المفروض نعمله من هنا ورايح وهما كالاتي :-
1.انا مش هادفع رشاوي واكراميات تاني في المرور او القسم او الصالح الحكومية.
2.من هارمي زبالتي في الشارع
3.من هاعاكس بنات ولا حتي اغلس عليهم، بل هاحميهم من اي حد يحاول يعتدي عليهم.
4.ابلغ جهاز حماية المستهلك لما الاقي حد بيبع بالغالي.
5.مش هابقي سلبي وهاقول لاي حد بيعمل غلط انه غلط ومش هخاف.
6.هاقدم بلاغ ضد اي تعديات لاي حد مهما كان منصبة حتي ولو كان بيمشي عكس.
7.هافخر ببلدي قدام الاجانب ومش هاستعر منها وهاقول انها احسن بلد.
8.هتطوه اني اساعد الناس الي محتاجه للمساعده.
9.هعامل الناس باحترام وهقدر ظروفهم ومعانتهم.
10.مش هايبقي في حد أحسن من حد، وهنعامل بعض بالتساوي الغني زي الفقير.
11.هعرف حقوقي وواجباتي القانونية في مصر عشان محدش يعتدي علي حقي أو اعتدي علي حق حد.
12.هاعمل بطاقة انتخابية واشارك ويبقي ليا دور سياسي في بلدي.
ياريت الناس بقي متبقاش فيها خوف تاني علشان انا مسيحي
مقولش وانا في الجامعه اني خايف لا الدكتور يعرف اني مسيحي فيقوم مشيلني الماده بتاعته وما الي ذلك من مواقف.
اتمني الناس بينها وبين نفسها تقرر هي هاتعمل ايه
|
بجد يارويس مش عارف اريد اقول ايه لسانى فعلآ عاجز
ولكنى اساندك واساعدك بكل ما بجهدى لنشر تلك القضية
واسمح لى بتقييم الموضوع وتثبيتة لفترة
الرب يبارك حياتك ويفرح قلبك
ويـــفــــــــرح قــلــــــــــــوب جــمــيـــــــــــــع الـمــصــريــيـــــــــــ ــن
|