واحد راح يخطب وحده وتمت الموافقة على الخطوبة ومن ثم الزواج المهم إيه اللي حصل يوم الفرح بعد ما دخل صاحبنا شقته مع زوجته رن الموبايل ويقوم يرد ويدور الحوار التالي :
الزوج : الووووو
المتصل:إزيك وألف ألف مبروك يا معلم
الزوج : اهلا ..... فينكم يا نصابين ما مجتوش الفرح طب بجد زعلان
المتصل: بجد العربيه عطلت في الطريق واحنا جايين عندكم ووصلنا وسألنا عنك قالوا انك رحت مع المدام وخلص الفرح , قمنا رجعنا على البيت..
(البيت يبعد 300 كم ويحتاج لساعات سفر)
الزوج : المهم اتعشيتوا
المتصل: لا متعشيناش
الزوج:طب دة كلام دة....... انتو كام واحد؟
المتصل : عشرة
الزوج : اقولك....عشاكوا عندى
المتصل : يا ابن الحلال ما ينفعش انت عريس كدة و.. و..يعني
المهم ما فيش فايدة الزوج مصر إنهم يتعشوا عنده
الزوج: انا هستناكم مع السلامة....وقفل الخط
الزوجه المسكينة مش مصدقة اللي عمله جوزها يوم فرحها اليوم اللي مستنياة طول عمرها ثم قال انا رايح السوبرماركت وراجع
( افكرت انة هيجيب عشاء جاهز )
بعد ربع ساعة رجع الزوج ومعه اغراض العشاء
قالت الزوجه إيه دة؟؟؟؟
قال ربنا يخليكى قومي إعملى العشاء لزمايلى في الشغل جايين من بعيد وما تعشوش
وفي أثناء الحوار .. والباب بيخبط
قال هما دول زمايلى وصلوا يلا الهمة يا مراتى وراح عندهم وهما في الصالون وقعدوا يتكلموا مع بعض ....
المهم المسكينة في المطبخ تقطع البصل بفستان الفرح وعيونها تدمع وتقول في لنفسها
( بكره هرجع عند اهلي من الفجر )
المسكينة عملت العشاء و اتعشوا وراحوا زمايله لحالهم , والمسكينه متضايقه
والمفاجأة ... ؟؟؟
يدخل زوجها عليها ويرمي لها 20 الف دولار
قال: دة حقك
قالت: حق إيه ؟؟
قال:الرهان اللي بيني وبين زمايلي العشرة علي كل واحد 2000 دولار بأنك تطبخي يوم الفرح
وكان هو دة رد فعلك.....وانا كسبت الرهان لانك طبختي
وبكل بساطة .....قالتلة العروسة.......رجعني بيت اهلي وهي بتعيط
والسؤال هل هذا الرجل مجنون ؟؟
هل يراهن أحد منكم مثل هذا الرهان الجنوني....؟؟؟؟