ليه يا مصر .. ليه يا أمى .. ليه يا حبيبه
من كوخ وقصر .. يتحلل دمى .. وأبقى ذكرى قديمه
فيكى رجال أثبتوا الشهامه ..... رفعوا أمنك فوق كل هامه ....
زودوا خيرك وهما غلابه .... من عرق جبنهم وضغوط أليمه ....
شفنا وحدة أحمد ومينا .... وبأيد وحده يسوقوا السفينه ....
بس خوفى عليكى تتكسرى ... على صخور الجهل وماتوصلى للمينا ....
يا قلب مصر الحبيبه .... ليه سايبه جواكى وجوه كئيبه ....
تدّعى التقوى وموت شبابك يكون ضريبه ...عشان مصالح شخصيه ذميمه ....
ونرجع ونقول مصرنا الحبيبه ...
أداكى لينا الله وأدانا ليكى .... وهبك حياه ونيلك يرويكى ....
حفظك سنين وهايفضل يحميكى ... بس أنتى أدعى وأرفعيله أديكى ....
يبعت مراحمه عليكى ... ويعود بشفا لكل أراضيكى .....
ومن كل جهل ينور عنيكى .... ويبعد فرح الشر اللى بيبكيكى ....
واقف كا مصرى وطنى نيابه لشعبى .... بصلى بطلب من كل قلبى .... يرجع ربنا وبأيده يحميكى ...
أطرد يا رب كل خبث ومكر كاسوس يخرب فيكى .....
أرحم يارب كل قلب قاسى وجاحد عليكى ....
"ده اللى يحبك يا بلدى يصليلك" .....
ويدعى ربه من كل قلبه رحمته يبقيلك .....
بس رحمته يبقيلك ....