انا عايزة اتناقش معاكم فى حاجة مهمة جدا يا خدام ..
احنا بنعمل مدارس الاحد لاولادنا واطفالنا كل واحد يقولنا بيبدا فقرات اليوم ازاى واية الجديد اللى ممكن نقدمة لاولادنا علشان ميحستوش بالملل فى الخدمة وتبقى زى المدرسة قواعد وقوانين وضبط وربط وبس انا رافضة الاسلوب دة لازم ولادنا يحسوا بالجديد واحنا نساعدهم على اكتشاف مهارتهم ومواهبهم دة مش عيب ومش هينهى الجانب الروحى ولا هيعطلة بالعكس زى ما بعض الخدام متصورين
وانا هبدا وهقول السلبيات والايجابيات اللى عندى وبعدها عايزة اسمعكم بجد
انا عندى بعد القداس المفروض ان الخدمة معادها بعد القاس بساعة والبنات مش بتحب تروح وتيجى تانى وبيقعقدوا يتستنوا معادهم بس طبعا مش كلهم مجموعة منهم وعلشان ميقعقدوش فى الشارع وعلى باب الكنيسة بيكون فى فقرة اعمال فنية واكتشاف مواهب بتعملها خدامات معينة بتحب الاعمال الفنية دى والمواهب الصغيرة دى
بعد كدة بنبدا الترانيم -- والموضوع العام حسب مناسبات الايام -- وفقرة اسئلة وبنبون ودردشة -- وبعدة الصلاة -- وتوزيع الفصول كل مرحلة لوحدها خامسة وسادسة وكل فصل معاة الخادمة المسئولة تشرح الدرس المقرر فى المنهج الاساسى يعنى
ويا فى وسيلة ايضاح يا مفيش مش دايما على حسب مهارة وشطارة الخادمة
اية رايكم عايزة اسمع اقتراحاتكم وانتقادتكم وكمان اية ممكن يكون اعمال فنية بسيطة تتعمل للاطفال وانا هعمل معاكم لان الفقرة دى بتسعدهم جدا جدا
مستنية تعليقاتكم
ومشاركتكم