قلبي اللى مات ويا الخطايا اندفن
شهواتي وشروري فصلت مليون كفن
نفسي اترمت جوا الظلام في القبر
ودموعي حبر. كتبت في جسدي العفن
قلبي اللى ياما بعاك وسابك جريح
قلبي اللى ياما خان ونكر المسيح
قلبي اللى ياما بسببه اسمك اتهان
وشاف احزان عملت منه كسيح
قلبي اللى ياما قسي ونسي الكلام
قلبي اللى يا ما جري ورا الاوهام
راجع بيبكي على العمر اللى فات
ويا آهات بتصرخ على جروح والآم
قلبي اللى جلدك وضربك وشيلك صليب
قلبي اللى زرع الشوك على جبين الحبيب
راجع يقول : يا سيد ارحمني
ارحمني. انا اللى عايش وسط ارضك غريب
اذكروني في صلواتكم
فادي المصري