[عماد حسنى]

المشاركة الأصلية كتبت بواسطة كيرو رافت النهارده بقا اول يوم فى محاكمه المتهم عماد حسنى فى ما هو منسوب اليه س : اسمك وسنك وتاريخ ميلادك عماد حسنى 9/2/1976 (34 سنه ) س : امتى عرفت كلمه بحبك ولمين قولتها سنه 2001 دى كانت اول مره اعرف كلمه بحبك بمعناها الحقيقى قبل كده ماعتقدش ولمين قولتها قولتلها للانسانه اللى حبتها اكيد س : اول قصه حب حقيقيه فى حياتك وكان عندك كام سنه اول قصه حب حقيقيه فى حياتى كانت وانا عندى 24 سنه قبل منها كان فى قصص كتير لكن ماكنش حب طبعا ،، أعجاب انجذاب لفتره معينه لكنه ماكنش حب حقيقى !!! س : انت اللى سيبتها ولا هي ولا ده كان حب مراهقه مش انا اللى سبتها ولا هى !! بالعكس كنا متمسكين ببعض لاقصى درجه ممكنه ؟؟ لكن الظروف كانت اقوى من اى تمسك كانت اقوى من السنين كمان ... وطبعا ماكنش حب مراهقه لانى كنت عديت الفتره دى من زمان والحب اللى بتكلم عنه استمر سنين .. س : اول موقف رومانسى صعب قابلك فى حياتك وانت لسه صغنون اول موقف رومانسى صعب قابلنى وانا صغير كنت فى سنه خامسه ابتدائى وكانت معايا بنت من مدراس الاحد وفى نفس الفصل وكنا اصحاب اوى وبنروح مع بعض وبنذاكر مع بعض المهم فى كام بنت من اصحابها سخنوها عليا وفضلت تهزر هزار تقيل هى والبنات اصحابها .. طبعا انا عملت راجل وقتها ورحت ضربتها بالقلم عشان هزارها وعشان مش عايزه تسكت ولا تسمع كلامى، وكان موقف صعب جدا لما اتصرفت التصرف ده ... البنت تانى يوم جابت مامتها وقالت لناظر المدرسه عشان يعاقبنى وطبعا جابنى الناظر وكنت هابقى فرجه فى الطابور للمدرسه والبيوت اللى حوالين المدرسه لولا البنت نفسها عيطت عليا جدا وفضلت تتحايل على الناظر وعلى امها انهم يسامحونا انى ضربتها .. وساعتها الناظر زعقلى وطلعنى فصلى وانا جريت وراها عشان اصالحها بس هى كانت اجدع منى وادتنى وقتها سندوتش مربى كمان ده يا عم رافت اول موقف رومانسى وانا صغير س : ما هى نظرتك للحب والرومانسيه نظرتى للحب والرومانسيه وانا صغير ولا دلوقتى معلش مش فاهم تقصد انهى وقت ممكن توضح المره اللى جايه نكتفى بهذه الاسئله الان وسنعود بعد الفاصل مع محكمه ارثوزكس موش هاتقدر تغمض عينيك مستنى اسمع جوابك يا عماد واختار محامى يكون شاطر ليك علشان ايامك الجايه موش هاتعدى واللى بيحبوك كتير

ادينى جاوبت يا رافت وربنا يعدى الايام الجايه على خير