اتكلمنا ابل كده وعرفنا تركيب التيار الكهربى
http://orsozox.com/forums/f35/t18987/
النهارده هنكمل وهنتكلم عن سير الالكترونات فى فى السلك
المواد الموصله والعزله
أي ماده يسري فيها التيار الكهربائي " الالكترونات "تسمى مادة موصلة زي المعادن وأشهرها الفضة والنحاس والذهب
و المادة العازلة هي الى التيار الكهربائي ميعرفش يمشي فيها زي المطاط والخشب الجاف والبلاستيك والزجاج
اقتباس
ففي التوصييلات المنزلية تستخدم أسلاك معزولة بالبلاستيك أو المطاط أو بمادة البولي فينيل وتوضع داخل انابيب عادلة مصنوعة من البلاستيك ثم تدفن داخل الحائط المنزلي, كذلك تصنع المفاتيح الكهربائية والغلايات الكهربائية الخ… من مواد عازلة كهربائيا.
|
وقولنا ابل كده ان التيار الكهربى عباره عن مجموعه كبيره جدا من الالكترونات الى ماشيه فى موصل
زي بزبط مجموعه من نقاط المايه بتمشي فى ماسوره
اكيد طبعا مش بيتكون نقطه او اتنين لا بتكون مجموعه كبيره من النقط بيتعمل سيل
عشان تقدر تمشي فى ماسوره
كده برضه الالكتروانات الى بتتولد بكميه كبيره جدا من مصدر معين وبتتوصل بالماده الموصله "السلك مثلا" لمكان تانى
وهيتبقى اننا نوضح ان الالكترونات الى دخله للسلك " من بطاريه مثلا "مش هى الى بتوصل للطرف التانى من السلك
لكن بتحصل عمليه تبادل الكترونات بين الذرات
يعنى الالكترون الداخل للسلك يدخل ذره السلك نفسها " يعنى لو السلك من النحاس يدخل جوه ذره النحاس" ويطلع من ذره السلك " النحاس مثلا "الكترونات مكانه
والرسم ده بيوضح كده
*الدواير الحمره بتمثل ذرات السلك او الموصل
*اللون الازرق بيمثل الالكترونات
*اللون البرتقالى بيمثل اتجاه الالكتروانات
اخر حاجه بقى فى الموضوع ده حاجه اسمها
الرابطة الإليكترونية والإليكترونات الحرة
قلنا ابل كده أن الإليكترونات بتدور في مدارات خارج النواة
والالكترونات دي بتدور لوحدها كده ولا ايه الى بيحصل وليه مش بتسيب الذره وتوقع؟؟
كل الى بيحصل ان فى حاجه اسمها ترابط بين الاليكترونات والنواه كلها يعنى
فى انجزاب بين الالكترونات والنواه لان الالكترونات سالب زي ماقلنا و البرتونات موجب بخلاف النيترونات متعادله ملناش دعوه بيها
الى مركز فينا هيقول ان كده الالكترون هيقع فى النواه لانه هينجزب وهو سالب للبروتونات الموجب
لكن فى حاجه كمان
من سرعه الالكترونات فبتحصل حاجه اسمها طرد مركزي يعنى من الدوران المفروض انها تحاول تبعد عن المركز
فكده عندنا قوتين ضد بعض لكن اد بعض
فمش بيكون فى تأثير يعنى
مش بتقع فى النواه ولا بتهرب من الذره وتسبيها وتقع بره
لما الذره بتتعرض لتاثير زي التأثير الكهربى مثلا
قوه الطرد المركزي بتزيد فالالكترونات بتسيب الذره وتخش ع الى بعديها زي ماقولنا ابل كده
يااااااااااا رغيت كتير انا النهارده
اكمل الباقى بعدين بقى