بصراحة الموضوع عجبنى قلت اجيبهولكم وأعرف رأيكم
كان ياما كان ايام زمان اوى كان الحب بيلعب استغماية مع الرقة والكدب والجنون والخبث ولما بدات اللعبة بدا الكل يستخبى ,استخبت الرقة ورا القمر ,والكدب قال انا هستخبى ورا الصخرة دى وراح نط فى البحر, والخبث استخبى ورا شجرة ,اما الحب لقى وردة بلدى جميلة استخبى جواها,وكان الجنون هو اللى بيدور عليهم واول حاجة لقاها كانت الرقة وبعدين الكدب واخيرا الخبث,ومعرفش يلاقى الحب,لكن الخبث قالله ان الحب مستخبى فى الوردة,فراح الجنون جاب فرع شجرة وفضل ينغز فى الوردة لحد ما سمع صراخ الحب وهو خارج من الوردة حاطط ايديه على عينيه وسايل من بين صوابعه الدم,الحب صرخ وقال مش شايف انزعج كل الموجودين وفضل الجنون يتاسف للحب,وقالله مش عارف اعمل ايه عشان اساعدك كل اللى هقدر اعمله انى هبقى دايما معاك بديل لعينيك,ومن ساعتها (اصبح الحب اعمى يقوده الجنو).
griffon