[emmmy]

شكرا للاستاذ ايمن
وميا وماندوا واسامة وحبيب المسيح على مشاركتهم والتوضيح ابعاد الموضوع
ولتشجيعهم وكلامهم الجميل

بس انا عايزة اقول حاجة لاسامة وحبيب المسيح بما انهم عايزين المناقشة
بص يا اسامة اولا انا بشكرك طبعا على كلامك وانا موافقة معاك فى كل كلامك وياريت نعمل بية
احنا فعلا محتاجين نفهم ونتعلم ازاى نحافظ على اولادنا ونربيهم تحت ظل تعاليم المسيح
وانت يا حبيب المسيح عمر اختلاف الزمان او الظروف ما كانوا سبب لاختلاف المبادئ والهنا هو هو امسا واليوم والى الابد
ومش هقولك ان مفيش مشكلة بالنسبة للفضائيات والنت مش مهم ملهمشى تاثير لا ولكن لازم نكون عندنا ارادة نكون وسط العالم زى سفينة على وجة المياة ولا نسمح احنا الشباب بالمياة اى الخطية ان تنجرف داخل السفينة اى حياتنا
اما بقى موضوع الجواز والطلبات الكتيرة اللى بتكون فوق طاقة الشباب فدة موضوع تانى عموما انا من رايى ان الشاب لما يختار بنت يختار واحدة من مستواة الاجتماعى علشان مش يتعب
ويفكر اذا كان هيقدر على طلباتها ولا لا قبل ما ينجرف وراء مشاعرة ويحبها ويرتبط بيها عاطفيا

فى النهاية انت طلبت طلب غريب عايز الاباء يوقفوا الفضائيات المسعورة للشهوة والجنس
طيب ازاى المشاهد دى مش جاية عن طريق الكنيسة ولا حتى القنوات المسيحية يبقى الاباء ميقدروش يعملوا حاجة احنا اللى لازم نعمل اننا نتمسك بمسيحنا وبمبادئنا وتعاليمنا ونطلب المعونة السماوية علشان تحمينا
انت بلا عذر ايها الانسان --- الشباب اللى بيشوفوا المشاهد دى ومش قادرين يقاوموا الشهوة والعثرة مش عذر
يوسف مش بس شافها دا اتعرض لها واتطلب منة انة يعملها ومع ذلك رفض وقال كيف اصنع هذا الشر العظيم واخطئ امام اللة
واهو دا من زمن الانبياء اهو صدقنى مش سبب ولا عذر
يا ريت كلنا نرفع قلوبنا بالصلاة ونطلب من ربنا انة يحمينا من كل مكايد العدو

واخيرا اسفة على الاطالة وشاكرة للمشاركة الرب يبارك حياتكم جميعا
بالنعمة والبركة امين