[رويس]

انا فعلا كنت باخدم وكانوا الخدام معايا بيعانوا من الحكايه دي
ولكن انا لما لقيت ان الاطفال بيحبوا الافلام الكارتون قلت طب وان ايه اللي نقصني
بقيت اشرح الدرس بطريقه فكاهيه شويه وكمان بقي جسمي يعمل حركات تلقائيه بدون احساس مني في بعض المواقف
ولقيت ان الاولاد فرحوا قوي والدرس بالنسه لهم بقي احلي من اللعب
ولكن في ملحوظه مهمة لازم تفصلي الجد عن الهزار لان الاولاد لما لقوني بعمل كده حبوا ياخدوا عليا ويهزروا
وطبعا الاولاد مش بيعرفوا يميزوا في الهزار ،يعني ممكن لو انتي صاحبتيهم ونزلتي لمستواهم هتلاقيهم بيضربوكي وممكن قوي وانتي واقفه مع اصحابك يجوا ويضربوكي لانك انتي نزلتي لمستواهم مش رفعتيهم لمستواكي
ولازن في اخر الدرس تختاري مجموعه من الاطفال يمثلوا الدرس في مسرحيه
ومتخليش وقت اللعب كتير علشان ميتعلقوش باللعب اكتر من الدرس
في حاجات تانيه كتير ممكن تسالي فيها الخدام ، يعني ممكن تعملوا اجتماع مصلا كل شهر تبقي انتي والخدام والاباء الكهنه فيه وتبتكروا طرق جديده لتشويق الاطفال وتحبيبهم في الكنيسه
لان احنا مش عاوزين الطلفل يتحول هدفه من انه يروح الكنيسه ويجب بتناول ويسمع القصه الي انه يكون رايح الكنيسه علشان يقابل اصحابه ويهزر مع الخادم شويه ويلعب ويروح وخلاص
وأسفعلي الاطاله