الحقيقة مش عارف احكى ازاى بس انا متاكد اللى حصل معايا دة معجزة مش صدفة
انا هدخل فى الموضوع على طول يوم الخميس الموافق 22 مارس 2012 وهو تانى يوم لاستقبال العزاء فى رحيل سيدنا البابا نزلت القاهرة لاقدم العزاء لابونا بطرس جيد لانى بينى وبينة معرفة خاصة وانا اعلم ان البابا عمة المهم ذهبت لكتيسة السيدة العذراء بالزيتون وفعلا سلمت على ابونا بطرس وقدمت لة التعازى وقاللى هذة الكلمة كنت يا اشرف عزيت هناك عندك فى الكنيسة كفاية لانى عارف المشوار طويل عليك والسفر قولتلة ما كانش ينفع بالنسبالى يا ابونا اعزى هناك لازم اعزيك شخصيا المهم جلست معاة ساعة ونصف وانا بدمع وانا قاعد فى قاعة العزاء المهم بعد الساعة والنص قولتلة معلش يا ابونا انا هستاذن عشان الوقت اتاخر والسفر طويل قالى بات وبلاش تمشى دلوقت قولتلة مش هينفع وسلمت علية وانا طالع من الكنيسة كانوا بيوزعوا صور للبابا اخد الصورة وطلعت شارع جسر السويس لاركب مشروع لرمسيس الصراحة انا عارف ان المواصلات صعبة جدا لانها مش اول مرة تتعمل معايا وكنت خايف اوصل عبود ومش الاقى مواصلات المهم بصيت لصورة سيدنا وقولتلة بركتك يا سيدنا تسهل الطريق لاوصل بسرعة المهم مالقيتش لرمسيس على طول اخد غمرة وغيرت هناك ولما وصلت عبود لقيت الميكروباص فية اتنين بس السواق قالى اركب قولتلة لما ييجى الركاب والا ارجع تانى وابات وبصيت تانى للصورة اللى فى ايدى وقولتلة بركتك يا سيدنا صدقونى ولاول مرة تحصل معايا لانى مش اول مرة اقف فى عبود بعد نص ساعة او اقل لقيت عدد الركاب اللى وصل كتير لدرجة العدد اللى زاد ركب فى العربية اللى بتحمل ورانا انا بصيت للصورة وضحكت وعرفت انها معجزة منة انا حبيت احكى موقف حصل معايا شخصيا واعرف الناس ان سيدنا معجزاتة هتظهر اوى الايام دى
باركنى يا سيدنا ابنك اشرف
مواضيع منقولة من مواقع اخرى بخدمة Rss