[لولا الشقية]

عزيزى هل تعلم ان الجميع زاغوا و فسدوا و اعوزهم مجد الله. ليس من يعمل صلاحا ليس و لا واحد.

و لا يوجد انسان حياته تخلو من الدنس و لو كان عمره يوم واحد. هذه هى الطبيعة العتيقة الموروثة من ابينا ادم و امنا حواء.

و لكن بالنعمة و محبة يسوع تستطيع ان تتغلب على الخطية و ذلك ليس معناه انك لا تخطئ ابدا بينما كيف تقوم من السقطة و الضعف سريعا ذاكرا ان هذا يغضب قلب من تحب الاله الحى الذى دعى عليك اسمه القدوس.

فحينما تضعف و تنهزم قوم سريعا اصرخ لأبوك و قول له انا ضعيف و مش عاوز اعمل كدة لكنى اتخدعت من شهوتى و من إبليس بس انت عارف انى بحبك و مش عاوز ازعلك فأرجوك ساعدنى لأن إبليس خصمكم يجول كأسد زائر ملتمسا من يبتلعه كدة هتبقى اتغسلت و ربنا يطرح كل خطية فى بحر النسيان ربنا مش واقف لكل من يخطئ بالعصا ده قلبه حنين حتى لو ادبنى فالذى يحبه الرب يؤدبه. ده الإنسان لما ابنه بيغلط بيؤدبه بس عشان يحبه و خايف عليه ما بال الله المحب لبنى البشر الذى قال لذتى فى بنى ادم.اعتبره ابوك و انت هتدوس على اى خطية بكل سهولة.

كلنا اخطئنا و اعوزنا مجد الله. ضع امامك مثال لبطرس و يهوذا كلاهما اخطئ و لكن انظر لنهاية بطرس الذى تابو صار متمتعا بحياة ابدية مع يسوع و يهوذا الذى يأسه الشيطان حتى شنق نفسه و خسر الحياة مع يسوع. مع العلم انهما كان لهما نفس نوع الخطية الإنكار و التسليم.

الكنيسة هى المستشفى الروحى لنا فلا تدع إبليس يخدعك بقوله إزاى تروح الكنيسة و انت بتعمل و تسوى. المريض لو قال انا عيان ما اروحش المستشفى هيموت احنا كدة بعيد عن الكنيسة و تعاليمها و منهجها برضه نموت.

ما تخليهوش يقنعك ان صيامك زى قلته ده كدة مش هترتاح لا هتتعب اكتر بدل ما تبقى صايم و بتعمل خطايا ده كمان هيخليك تسيب الصوم و التناول و الإعترف بحجة انك وحش و ربنا مش هيقبلك او يقبل صيامك و بعد كدة يقول لك فيك كل العبر و كمان فاطر.و كمان ما تنساش طالما نجح انه يخليك تتساهل و تبعد عن ربنا يبقى هيسهل لك كل حاجة و هيبتدى يوقعك فى خطايا اشر.

خليك اشطر منه و قول له هاصلى و اتناول و اعترف و اصوم عشان هو ده العلاج اللى هيشفينى من داء الخطية. مش لماابعد عنه هابقى احسن لا.

خليك صايم حتى لو بالجسد بس و اطلب فى محضر ربنا انه يعلمك معنى الصوم الحقيقى و هو يستسمن محرقاتك و يعطيك سؤل قلبك. اى ينظر الى الصوم ده كانه حاجة كبيرة طالما انت بتصوم بهدف انك تقرب من ربنا مش كما لقوم عادة. بركة الصوم تكون معنا امين.
اتمنى اكون افدتك ربنا يباركك بكل بركة روحية فى المسيح يسوع امين

اذكرنى فى صلاتك