رد: كيف يكون برنامج اليوم لمدارس الاحد
كُتب : [ 10-20-2010
- 09:12 PM
]
[quote=كراكيب;741547]- مبدئيا البرنامج بتاعكم يامس مش حلو
- هو مبدئيا لا تعليق يا انكل على البداية المشجعة دى
- هو مش مطلوب يبقي مليان وف نفس الوقت مينفعشي يبقي قليل
- انا من وجهة نظري ممكن يبقي البرنامج كالتالي
- فقرة ترانيم ولازم تتضمن ترنيمة جديدة كل فترة لان مينفعش نعتمد علي نفس الترانيم هي هي طبعا دي بعد الصلاة
- بعد كدة يبقي مثلا فقرة سنكسار ومنلتزمشي بسنكسار اليوم زي ماناس كتير بتعمل لا احنا ندور عن احتياجات اطفالنا مع ذكر طبعا ان انهاردة كذا قبطي
- نووووووووو السنكسار مش مستحب انا شفت نتيجتة كذا مرة لانة بيشمل سير قديسين كلها شبة بعض وسير الشهداء مش اى حد يعرف يحكيها ببساطة واسلوب شيق وجميل من غير تخويف او تفاصيل مرعبة للطفل انا لما بحكى قصة شهيد للطفل عندى تاقصى حاجة اقصى حاجة ممكن اقولها ضربوة -- لكن تقف خادمة تشرح طريقة التعذيب بالصورة اللى انا شفتها دى لا حرام بجد احنا بنزرع فى اطفالنا الخوف من ربنا والتمسك بية
- ممكن استبدالها بموضوعات تعلم مبادئ حلوة وانا اللى انا اقنعت بية امينة خدمتى زى الطاعة والمحبة والعطاء والايمان وطريقة التعامل بين الطفل وبين البيت والمدرسة والشارع وكيفية طريقة الرد على الاخرين وخصوصا المستهزئين دى كلها موضوعات الطفل بيحبها جدا وبتفيدة جدا فى حياتة العملية لانها ملومسة اكتر من التعذيب اللى شافوة الشهداء واللى هما ميقدروش يستوعبوة دلوقتى ويكون معاها قصة مناسبة للهدف
- السنكسار على راسى من فوق وسير القديسن انا مستحقش اتكلم عنها بس مش مناسبة دلوقتى لاسباب كتير
- بعد كدة ممكن فقرة اسئلة تكسر الروتين وتطلع العيال زي ماانتوا بتعملوا فقرة دردشة
- وبعد كدة فقرة طقس لانه مهم جدا ف الفترة دي لان لو الخدمة مشتركة هيبقي في شمامسة ولو مش مشتركة برده البنت بيبقي عقلها كبر ومحتاجة تفهم ايه اللي بيحصل ف كنيستها
دى فقرات ممكن تختلف من اسبوع لاسبوع يعنى هتبقى فقرة وممكن تستمر مدرة شهر مثلا على سبيل ان الخادم بيشرح سلسلة معينة ولما بتخلص بتشوف غيرها عادى بس هى حلوة ومهمة ومفيش منها مانع خالص بالعكس- وبعديها الصلاة متضمنة ابانا اللذي وفلنشكر صانع الخيرات وارحمني يالله كعظيم رحمتك وياريت الولاد علي قد ماتقدروا يشتركوا ف الصلاة
- وبعد كدة توزيع الفصول
- طبعا هتقولوا ايه ده كله وامتي
- هرد
- تقريبا ميعاد خدكتكم 12 لان القداس ف كنيستنا البدرشين بيخلص تقريبا عشرة ونص هنفترض 12
- يبقي من 12 : 12 وتلت ترانيم
- 12 وتلت : واحدة الا تلت سنكسار
- 1 الا تلت : واحدة أسئلة
- 1 : 1 وتلت طقس
- 1 وتلت : 1 ونص صلاة
- 1ونص : 2 توزيع فصول ودرس
- لازم تدخل فقرات جديدة كل تلت اشهر ع الاقل زي فقرة الحان وفقرة لغة وكتاب مقدس وشخصيات كتابية
اكيد طبعا دة فعلا اللى بيحصل دا غير ان فى اهتمام جدا جدا باكتشاف المواهب - ولازم يبقي في شهريا يوم ترفيهي تعملي فيه اللي تحبيه مسرحيات اسكتشات ورش عمل اعمال فنية
- علي فكرة انتي عارفة طبعا اني مسئول عن خمسة وساتة في ميت رهينة والبرنامج بتاعنا اكبر من ده كمان بفقرة
- عارفة طبعا ربنا يعوضك ويبارك خدمتك
- والفقرات موجودة وكتير بس اعتراضى انا على انها تكون شبة بعضها وورا بعضها دة بيدفع الطفل للمل وعندة حق وعلشان كدة ياريت تكون الفقرات مش طويلة ومختلفة تماما ومش كتير لانها مش بالكترة اد ما هى باهميتها
- عارف زى اية
- زى واحد بياكل كتير اوى وبرضوا عندة انيما وواحد بياكل قليل وصحتة كويسة
- لان اللى بياكل كتير بياكل غلط وفاكرها بالكترة ومش بيهتم بالعناصر المختلفة اللى محتاجها الجسم
- واللى بياكل قليل بياكل صح علشان كدة سليم
- نفس الحكاية فى الروحيات
اشكرك يا انكل على مشاركتك واسفة على التطويل
|