سلام ونعمه ..

انا عندي مشكله يمكن تكون بسيطه لباقي المشكلات
بس هي نفسيه شويه

اولا اعرفكم بنفسي

انا شاب عندي حوالي 17 سنه من الصعيد

مشكلتي
انا بعتبر نفسي مصاب بجنون الحب

لا تنتهي مشكلتي الي هنا لا ولا

المشكله ابتدت من حوالي 3 سنين
بديت فيها احس ناحيه حد كده ( ch)
وكنا ف حوالي اخر اعدادي

المهم قضت الحكايه مابين 3 ايام واسبوع افكر في الموضوع
ولما بقول ان بفكر مش معناه حاجه غلط

المشكله والغلطه الكبيره

دخلت ثانوي عام قابلت مشكله حياتي
هي un ch واعترفت لابونا بالحكايه دي
ومافيش فايده

المهم والحكايه انتهت باختلاف الكليات
بس ف خلال الحب ده حسيت اني بدور ع الحب مش فكره بحب حد وكده

يعني ف خلال فتره ثانوي حبيت حوالي 10او اكتر وانا بحبها ف نفس الوقت

وصدقوني التفكير اكتر من نقي

ولما دخلت الكليه وجدت نفسي الحكايه ابتدت تكبر وخصوصا ان المجتمع بقي مفتوح اكتر
فلقيت نفسي بحب بمعدل واحده ف الاسبوع
والكلام ده مش للهزار

لقيت قلبي بيقول
كل مايقابل بنت ممكن اعجب بيها


are you want to love؟؟

yes no cancel

وبدوس كانسل طبعا لاني بقيت خايف ان لاموضوع يطلع مرض

مع العلم اني انسان عملي مش رومانسي
يعني بدور علي الشغل والمكسب اكتر من اي حاجه

ودلوقتي انا قافل نفسي نهائي يعني ف وسط المجتمع المفتوح ده
انا رافض الكلام مع حد يدوبك اصحابي اللي اعرفهم الولاد
ومن المحاضرات للبيت ومن البيت للمحاضرات وللشغل

صدقوني الموضوع ده عاملي عقده
ياريت لو حد هنا ممكن يساعدني
انا موافق وممكن اعمل ميل واحطه ف المنتدي ده لو ينفع
مش ضد القوانين علشان اللي يتابعني
يتعرف علي حالتي المنيله


يا جماعه لو الحكايه مرض نفسي ياريت ماتخبوش عليا !!!