[د/ مايكل]

المشاركة الأصلية كتبت بواسطة mego2 د / مايكل في الاول لازم اشكرك علي اثاره موضوع مهم جدا جدا وصدقني انت عملت حاجه صعبه اوي فيا عارف ليه يا د / مايكل علشان انت لمست موضوع شخصي عندي ! وطبعا هحاول اوصلهولك بأختصار ولكن بوضوح انا من اكتر من 3 سنين ليا علاق ببعض الاديره اللي شفت فيها حاجات اغرب من الخيال ربنا يسامحني ؟ تبدأ من الموبايل طبعا والاعترافات بأدق الاسرار وجها لوجه وكانت وجهه نظري انا في الموضوع ده ان الراهب مهما كان هو في الاول والاخر انسان له مشاعره واحاسيسه . نيجي للنقطه المهمه جدا واللي انا قولتلك عليها انك انك عملت فيا حاجه صعبه اوي لما اثرت الموضوع ده وهو موضوع انا الخاص اللي هو بأختصار كان ليا علاقه ببنت وكنا تقريبا شبه مخطوبين وكان اب من الاباء الرهبان تقريبا شبه وسيط ما بينا أأقصد مثلا لو احنا مضايقين او زعلانين نروح نقعد معاه ونتكلم ونقول كل حاجه . المهم مع الوقت كانت في حاجات كتير جدا ظاهره بتضايقني جدا مثلا زي انها كانت تروح يوم في الاسبوع تقضيه معاه في الدير وكان بالنسبالي عادي طالما ده بيخليها مبسوطه واهو برضه جوه الدير وفي جو الدير شويه بشويه ابتدينا نختلف ونتخانق كتير اوي بسبب اني اتصل بالليل بعد 11 او 12 الاقي تليفونها مشغول وقت طويل طبعا ساعتها مقدرتش امسك نفسي وقولتلها ان ده مش صح حتي لو كان ابونا وانتي كده بتسببيله عثرات بدون ما تقصدي ومتتكلميش تاني في وقت متأخر معاه كده واتخاصمنا طبعا لاني اتكلمت بأسلوب مش كويس وهكذا المهم ان ابونا كلمني وعرفني انها قالتله علي اللي حصل وانها كانت مضايقه وتعبانه وكده الا اخره . المهم المختصر انه في يوم بعتلي ورحتله وكان رأيه اننا منكملش سوا وانه شايف اننا مش هننجح مع بعض وهي كانت موجوده وفضلت تعيط اوي اول ما قال كده لكن انا مستنيتش واختفيت منه ومنها . طبعا انا بحاول اوصلك الموضوع بأختصار لكن الاحداث كانت كتيره في الموضوع اللي تخنق وتضايق ده طبعا غير الف موقف مروا عليا هناك . وطبعا هو كان سبب رأيسي اننا نسيب بعض . طبعا انا رأيي ان الراهب مايخدش اعترافات وعلاقاته تكون محدوده . شكرا

أخي الحبيب:
مش عارف اقولك أخي والا أبني ... انا عندي 49 سنه يعني ينفع تبقي أبني برضه .. عاوز أقولك أنك وجعت قلبي .... ولو أن الحلفان حرام لكن والله العظيم وجعت قلبي ... بس برضه عاوز أقولك معلش يأبني قضا أخف من قضا وهاشرحلك يعني ايه بس في الأول عاوز أشكرك جدا جدا علي شجاعتك وموضوعيتك في الرد وتجربتك دي أحسن رد علي كل المرعوبين من مس الذات العليا الممثله في كل من لبس فاروجيه سودا معلش يأبني ربنا يصبرك ويعوضك خير .... أيه بقي معني قضي أخف من قضا ؟؟ القضا الأولاني الخفيف أن هذا الراهب باركه الرب خلصك من خطيبتك وأنت لسه علي البر يعني قبل ماتبقي زوجتك وتبقي المصيبه أكبر وملهاش حل أما القضا التاني المنيل بستين نيله هو أنه كان برضه هاياخدها منك وهي بعد الشر عنك زوجتك وده مش من خيالي لا دي حصلت لأحد أقاربي يعني شوفت بعيني محدش قالي ... قريبي أتجوز بنت حلوه وطيبه وعاش سعيد في تبات ونبات وبعدين جاء أحد الرهبان وكان يمت بصلة قرابه ليه يزوره وقعد معاه في بيته كام يوم .... ولأنه راهب ولأنه مقدس "زي ماكلنا بهبلنا متصورين" قريبي الغلبان بقي يسيبه في البيت مع زوجته ويروح شغله لحد مارجع يوم من الشغل لا لقي الراهب ولا لقي مراته ... هربوا الأتنين مع بعض وأختفوا وقعد ياعيني الشاب لا عارف طريق مراته ولا عارف يطلقها ولا عاوزه الكنيسه تديله تصريح زواج لمدة 10 سنين وفي الأخر راح إتجوز كاثوليكي وبعد سنه مات وإرتاح من هم الدنيا وبلاويها .... عرفت بقي أن قضا أخف من قضا .... يعني أحمد ربنا أنه أنقذك في الوقت المناسب وأنت لسه صغير تقدر تختار إختيار صحيح وتحب وتتجوز وتنسي كل ده .... وبعدين ياسيدي برضه فسخ الخطوبه أهون كتيييييير قوي من أنها تروح أحد الكنائس في شبرا أب كاهن مشهووووور جدا جدا جدا يبوسهالك في الشارع علي عينك ياتاجر ... ودي برضه مش قصه خياليه دي حقيقه بتحصل كل يوم علي مرئي ومسمع من الجميع ... يعني يبقي الشاب كده طول بعرض قد الباب ومعاه خطيبته حلوه وسنيوره يقابلوا أبونا المشهوووور قوي قوي لنوال البركه يقوم أبونا يمد أيده للشاب من بعيد يلطع عليها الكريمه وبعدين ياخد خطيبته بالحضن ويبوسهاله من هنا ومن هنا والشاب أسمالله علي مقامك واقف يسد عين الشمس وإبتسامه بلهاء علي شفتيه وقرونه عماله تتطول وتطول وتطلول مش هو بس لا هو وكل الشعب اللي واقف يتفرج وفرحانين قوي .... إحمد ربنا يأخي أنك متحطتش في الموقف ده وبرضه قضا أخف من قضا وربنا هايعوضك بأحسن منها 1000000 مره
مره تانيه أشكرك جدا علي شجاعتك وصراحتك والسلام