فى يوم العــــيـد
كُتب : [ 01-07-2011
- 01:41 AM
]
فى يوم العيد .. بحاول انى اكون فرحان و ابقى سعيد
فى يوم العيد .. سرحت كتير .. وراح عن بالى انى بعيد
بعيد عنك وشاغلانى كده الاحوال
مفكرتش فى يوم ارفع صلاتى اليك
خدتنى الحموة، قُلت العدل لِيه بطَّال
رفعت سلاحى وعاديتهم ، وانا معاديك
لانى بجد كنت بعيد
-- قـــ --
وافراحهم بقت حزنى .. وملكوتهم بقى سجنى
يارب بصلّى تقبلنى .. اتوب قبل اما اجى اليك
ساعتها هكون بجد شهيد
فى يوم العيد .. وقفت وعند باب بيتك بقيت مربوط
وكنت بَعِيد.. ف تفكيرى وليه انا كنت مش مبسوط
عشان مش راضى بالضيقه
وضاق القلب م الملكوت
عشان بعدى بقى حقيقة
طلعت إنى بخاف م الموت
لانى بجد كنت بعيد
-- قـــ --
وافراحهم بقت حزنى .. وملكوتهم بقى سجنى
يارب بصللى تقبلنى .. اتوب قبل اما اجى اليك
ساعتها هكون بجد شهيد
فى يوم العيد .. جيت فى نهايته بندهلك ف وسط الليل
جـــــاى اكـيد .. عشــان الـمس ولــو تـوبك واكون انجيل
عشان اعلن رجاء عنك
واكون لو ملح ف العالم
يشاورو يقولو انا ابنك
ويشهد ليك ولو ظالم
ساعتها مش راح ابقى بعيد
-- قـــ --
وافراحهم تكون فرحى .. وملكوتهم بذور قمحى
يارب ادينى لو اضحى .. بدمى واهدى كل بعيد
ساعتها بجد هبقى شهيد
7-1-2011
التعديل الأخير تم بواسطة bisho03 ; 01-07-2011 الساعة 06:32 PM
|