رد: المدرسه والخروف
كُتب : [ 06-17-2009
- 10:31 PM
]
فكرتك تحفه يا مارينا بجد
انا بقى ياستى ايام ثانوى دى كانت
احلى واجمل ايام بجد
كانت كلها تهيييييس وبهدله
كان عندنا مدرس فيزياء
كنا مسمينه حبسووووه
كا حصه فيزياء نكتب على السبوره بالخط العريض حبسوه
وننادى على بعض بكلمه حبسوه
ايه بقى سر الكلمه دى
قبل مايجى مدرستنا
كان فى مدرسه ثانوى ولاد
وعرفنا ان الولاد مره حبسوه فى الحمام وقفلوا الباب بالمفتاح عليه
ههههههههههههههه
واتنقل مدرستنا بس ياحرام
بردو مش اترحم مننا
وكل حصه كنت لازم اتطرد انا واللى جمبى
كان يقولنا استنونى عند باب المديره
احنا طبعا نطلع من الفصل ونروح الكانتين
ناكل ونشرب وخلاص كده
ويجى الحصه اللى بعدها نفس الكلام
ومره كان عامل امتحان شهر
وانا كنت بكره الفيزياء جدا
فقولت مش هحل واسيب الورقه فاضيه
بأمانه المسيح جه جمبى بيقولى مش بتحلى ليه
قولتله مليش مزاج
قالى طيب تعالى نحل مع بعض
مسك الورقه والقلم ويعلم ربنا هوه اللى حل الامتحان
وفى اخر الحصه لم الورق مننا وصحح الامتحان
وحط الدرجات فى الدفتر
وحطلى الدرجه النهائيه
ما طبعا انا حاله كله صح
ههههههههههههههههههه
وكتيييييير جدا كان يدخل الفصل يلاقيه فاااضى
البنات كلها راحت الحمام ونقعد اكتر من نص الحصه
وساعات كنت اجمع اصحابى الللى فى الصف الاول قدام
ونقعد كلنا ورا ونسيب الفصل فاضى من قدام
كان يقولنا تعالوا قدام نقوله معلش اصل فيه دبان
عمال يزن
ومش مركزين معاك
ههههههههههههههههههه
يالهووووى على اللى كان بيحصل فيه ياعينى
بس بصراحه قبل ما امشى كنت بخلى المدرسين يكتبولى
اوتجراف
وهوه كتبلى
انه كان يتمنى ان يبقى عنده بنت
وتطلع زيى فى ادبى واخلاقى
كان يقولى انتى دايما مشاكسه وشقيه بس بأدب
واحترام
ياااااااااااااااه يا مارينا
كل ده على حبسوه
امال لو كملتلك باقى الدرسين هكتب اد ايه تانى
كفايه بقى تعبت
|