الأعضاء إلي كانو موجودين في هذا اللقاء
زيزو ميرو
الرومانسي الشقي
مايكل عبد الشهيد
بيتر333
أسامة أس أس
الماجيك
الماكس مايكل
بوبا
كوتا
قمر 14
وردة حزينة
حبة ف بحر
في البداية احب اعتزر عن التأخير في نزول الموضوع عشان كننا بنتعازم علي بعضينا من إلي ينزلو كل الأعضاء إلي كاننو موجودين حابين إنهم هما إلي يعملو الموضوع ده عشان فعلاً قضو فيه أحلي أيام لكن لضيق الوقت أنا حعمل الموضوع لكن بمساهمة الأعضاء إلي كانو موجودين معانا خلال ال 3 أيام دول كل واحد قام بحاجة وخرج العمل الطوووويل ده والجامد جداً
أنا بشكر كل عضو وعضوة كانو موجودين في الخروجة علي الرغم من العقبات والإحباطات إلي واجهت إتمام الخروجة دي هما تحدو كل ده وكانو موجودين فالمعاد سواء إلي من القاهرة أو إلي من إسكندرية والحمد لله العدد كان جميل جداً والخروجة دي بالنسبة ليا شخصياً من أروع الخروجات إلي أنا خرجتها وإلي سابت معايا زكريات جامدة موز
أبتدي معاكم بسرد إلي تم فالخروجة دي من أول ما كنت فالقاهرة لغاية لما مشينا من إسكندرية أصل انا غاوي ملل وأنا بنبه الموضوع طويل حبتين لكن شيق وممتع وجامد 3 حبات
يذكر إنه في يوم الأربعاء الموافق11-2-2008 إتصلت بزيزو
جيوفاني : إيه ياعم مش ناوي تروح إسكندرية
زيزو : ناوي يا سيدي علي الساعة 4.30
جيوفاني : إشطات يا باشا أنا معاك يا رياسة
رحت علي طول واخد دوش وظبط حالي ورحت نازل جري علي رمسيس عشان اقابل زيزو ولقيت زيزو جاي ومعاه الرومانسي العاشق وبعد ما جبنا ساندوتشات فول حمضان علي فلافل قلبت بطننا وبطاطس بايظة ركبنا مشروع للكيلو 21 وأنطلق بينا والسواق ربنا يباركلو كان مظبطنا ومشغل الشريط المعتاد بتاع البداية وجبلنا إحباط وفأخر روبع ساعة من المشوار شغل ميادة الحناوي يعني صمت وفطرت علي بصلة
المهم وصلنا للكيلو 21 وركبنا مشروع لأبوتلات ومن أبو تلات ركبنا نص مشروع " سوزوكي " لغاية المكان إلي فيه استاذ أيمن دي معاناة
المهم وصلنا علي الساعة 9 بلليل وأتصلنا بأستاذنا وهو خرج وقابلنا ودخلنا فشوارع غريبة حبة نور وحبة مفيش نور وأحلي حاجة إنك حاسس إنك فمدينة أشباح الدنيا هادية هدوء غير عادي
أول لما وصللنا للفيلا لقينا هناك مايكل عبد الشهيد وبيتر 333 موجودين هناك ومن ساعة ما وصلنا وأستاذ أيمن من قاعد عمال يحضر لينا فالعشا وحبة تعالو نجيبو بصل وخرجنا جبنا بصل وإتمشينا شوية علي البحر ورجعنا تاني لما لقينا الجو برد وأستاذ أيمن قام بهوايتو وقطع الخضار وفوسط القاعدة إيد زيزو كانت بتاكلو علي الكمبيوتر خرج وراح علي السايبر وقاللنا لما الأكل يتعمل إدوني رنة
أستاذنا الحمد لله عمل الأكل علي الساعة واحدة كدة علي حسب ساعتنا وعلي الساعة 10 إلا روبع علي حسب الساعة إلي عند أستاذنا , الساعة دي كانت موصممة مش تتحرك عن 10 إلا روبع وكان أكتر صنف أنا حبيتو السلطة كانت عبارة عن خضار مع لبن رايب مع زبادي وإضافات خاصة بأستاذنا بهارات ملهاش حل
وجمب السلطة كان فيه كوفتة ولحمة مفرومة إدينا زيزو رنة وجه إتلمينا كولنا علي السوفرة وأكلنا أكل كأننا كوننا فمجاعة
بعد الأكل ظبطنا السوفرة وشيلنا الأطباق ولقينا أسامة أس أس بيتصل : إيه يا جماعة إنتو فين
إحنا فإسكندرية
طيب أنا جايلكم
يا عم إعقل وخليك عندك هي الحكاية نقصاك
المهم عمنا أسامة صمم يجي وركب أول مشروع جاي لأبو تلات
وبعد كدة قعدنا نتكلمو مع بعضينا عن موقف كل واحد مع الأغبياء وحكلنا مايكل عبد الشهيد عن موقف حصل معاه عن واحد إسمو سعد كان بيساعد مايكل وهو بيركب كهربة التكييف
مايكل : يا سعد إتأكد إن مفتاح الكهربا مطفي
سعد : مطفي ياباشا
مايكل : يا عم سعد إتأكد أبوس إيدك
سعد : يا عم والكنبة الشريفة مطفي
مايكل : ماشي يا سعد لما أؤوللك شغل المفتاح تشغلو
سعد : طيب أشغل ؟
مايكل : يا عم أصبر أنا لسة عملت حاجة
مايكل عمال يظبط فالأسلاك وعمنا سعد ده كل شوية يؤول لمايكل أشغل لغاية لما مايكل فمرة غلط وقاللو شغل وهو بيقطع الأسلاك ببؤو راح عمنا سعد مشغل المفتاح ومايكل طبعاً راح منور ههههههههههههههههههههههههه هههههههه
وقعد فترة مش عارف يتكلم عشان إتكهرب فلسانو ولفت الحكايات مع بعضينا وجبنا سيرة سعد راح النور قاطع فساعتها هههههههههههههه حاجة فقر قعد النور أزيد عن ساعة إلا روبع قاطع
وفوسط كلامنا إتصل أسامة يعلن وصولو لأرض الوطن وأول ما إتصل كان وشو حلو والنور جه
خرجت أنا وبيتر 333 قابلنا أسامة ووصلنا للفيلا طول قاعدتنا كانت حكايات وضحك وأستاذ أيمن فالنوص نام مننا ودخلنا كولنا أوضة هاتك يا ضحك وخرج زيزو وبيتر يتمشو وكبرت فدماغهم ينزلو البحر بيتر نزل وزيزو بل رجليه وأتصلو بالرومانسي عشان يجيب ليهم فوتة يتلفو بيها ومفيش حد حس لمجرد الثانية إن هو عايز ينام وطبقنا لليوم التاني من غير نوم
اليوم الثاني " الخميس "
خرج مايكل عبد الشهيد مع أستاذنا وبيتر يجيبو لينا الفطار ورجعو وهما محملين بالمعونة فول وجبنة فيتا وخضار وزبادي كالعادة أستاذنا أيمن حضر لينا الأكل والفول طلع من تحت إيديه كأنو عسل
فطرنا ولبسنا وبعد كدة خرجنا علي الساعة 10 ركبنا نوص مشروع للكيلو 21 ومن هناك إبتدت المعاناة مش لاقيين مشاريع للمرقسية نهائي وفالأخر إستسلمنا وركبنا أتوبيس وياريتنا ما ركبناه بتاع أكتر من ساعة لف وكان كل الناس بتوع إسكندرية وصلو المرقسية وهاتك يا إتصالات وكلام متنقي من إلي تحبو ونا أصابني دوار الأتوبيس ورحت فسابع نومة المهم بعد المعاناة إلي شوفناها وصلنا للمرقسية ولقينا هناك فادي الماجيك مستني هنا مع أعضاء إسكندرية قابلناهم بحب ملوش مثيل بعد كدة لقينا بوبا جاي مع واحد صاحبو
وقرر زيزو إن هو يجبلنا تورتة عشان عيد ميلادو وبعد ما جبها قطعناها في مسلسل من الكوميديا عشان مش كوننا عارفين نرسمو عليها خارطة التقطيع وكلو أكل وإتبسط قعدنا شوية فالمرقسية وبعد كدة خرجنا علي الكورنيش فترة طويلة بعد كدة زيزو قرر يحن علي الأعضاء ويغديهم ونا ومايكل وبيتر وماكس مشينا عشان بيتر كان عايز يزور قرايبو
وإتفقت مع زيزو والرومانسي وأبو الفدا وبيتر إنهم يجيو عندي فأبوقير يبيتو موعايا
وبعد كدة رحت أنا ومايكل وماكس علي أبوقير وتوافد الأعضاء عضو تلو الأخر علي أبوقير وجع زيزو ومعاه عشواية زي اللوز لانشون وجبنة وعيش وبيبسي
وأكلنا وشبعنا وفضلنا نتكلمو للساعة 4 لدرجة إن صوتنا كان جايب الشارع بعد كدة كل عضو فصل ونمنا بعد يومين فحت وردم
اليوم التالت " الجمعة "
صحينا بالعافية الساعة 9 ووضبنا الشقة فالسريع وعقدنا العزم علي الرحيل
مايكل عبد الشهيد هو وماكس وصلونا للموقف وركبنا مشروع لمحطة مصر ومن محطة مصر ركبنا مشورع القاهرة ووصلنا القاهرة علي خير الساعة حوالي 2 وكل عضو راح لحال سبيلو بعد ما بقت معاه أحلي أيام وزكريات وقضي أحلي أيام مع أحلي أعضاء جمعهم الحب
والجزء التاني بإذن الله شغال فيه دلوقتي بتاع الصور والفيديو