البيه المشرف
بيحذف كما يحلو له ويحرر مشاركات بكيفه فقط
متخيل انه لا يخطأ
ومستحيل ان تمسك عليه غلطة واحدة
البيه المشرف
متخيل أنه علي راسه ريشة
وأبداً لن تحذف له مواضيع ولا يتحررله مشاركه
طبعا ما هو البيه المشرف
سعادة ألبيه المشرف
يلف في كل ارجاء المنتدي
ويحذف مالا يعجبه ويترك ما بيعجبه
وان وضع عضو في دماغه
يبقي يا ويله
ديكتاتور وده طبعه واللي مش عاجبه
يبقي يدوق من غضبه
ما تتخضوش من عنوان الموضوع
طبعا عنوان الموضوع يفزع
وكل ماسبق يفزع اكثر و اكثر
بس بصراحة كدة
وبدون مجاملة؟
عمرك قلت الكلام ده عن مشرف/مشرفة ولو في سرك حتي؟
صدقونى يا جماعة الحكايه غير كده خالص
ده كلنا زي بعض عضو ولا مشرف
تفرق ايه؟
ما المشرف كان في يوم من الايام عضو جديد
وبدأ مثلما ما بدأت بمشاركة واحدة ...
يعني مثلك مثله
لكن هو يفرق عنّك في حاجة واحدة
انه يحمل مسئولية انت لا تحملها
موضوع محتاج تنسيق بينسقه
موضوع علمي ثقافى أو ديني يحتاج ذكر مصدر موثوق فيه
يا بيطلب من صاحب الموضوع يذكره
او يبحث هو عليه
ويرفقه بالموضوع
وكل هذا حتى تصل إليكم المعلومة
جاهزة وكاملة ومعلومة المصدر وموثوق فيها
حتي لو نقلك موضوع لقسم تاني
.فيها ايه يعني...فهذا افضل
لأنه بينظم الموضوعات والاقسام
حتى تجد بسهوله ما تبحث عنه
ولو يا سيدي حذفلك موضوع.
وماله..
أكيد هو له وجهه نظر وها يخطرك بها فى رسالة
ويجب ان تحترم وجهه نظره
مادام هو يحترم وجهه نظرك
هتقوللى
وليه المشرف لا يتحذف له موضوعات
...ممكن وليه لأ؟
حصلت
كتييييييييير
وغير هذا وذاك
اليس هذا المشرف مكلف بهذا العمل من اجلك
وفى النهايه هو المسئول عن عمله
ادام ربنا
مش كل خدمة بيقدمها بتكون فيها فائدة للجميع
وأخييييييييييييراً
المشرفون يحملون علي عاتقهم مسئولية وربنا هو اللى اعلم بيهم
ونرجو الا يغضب عضو من مشرف ولا يكون فى نفسه شئ
ولتكن فرصه لمعرفة بعض الاشياء
ولمعرفه فرحة المشرف وسعادته حينما ينسق موضوع لعضو
او يعطى الارشاد الصحيح لعضو
او يرحب بعضو جديد
او يضع مصدر صحيح لموضوع عضو فشل فى إيجاد مصدره
وفى النهايه كلنا هنا لنتعلم من بعضنا البعض
ومشرف وعضو اخوة لا يجمعنا الا كل خير
ورغبه فى المعرفة والمحبة والخير
والرب يحفظ منتدانا الحبيب
ويحافظ على الجميع لكى يعم السلام بينهم
ويصلوا بمنتدانا الى اعلى المستوايات لمجد اسم الله القدوس
وسلامى للجميع