[marmoriatoty]

حبيبتى انتى عندك حق فى انك تخافى من الموت
بس مش من الناحيه اللى انتى بتفكرى منها
هل ربنا قاسى ومعندهوش رحمه ؟ حاشا ان ربنا يكون كده
ربنا بيعمل كده يمكن عشان الشخص ده مستعد ويمكن كمان عشان الناس تحس ان فى موت وفى اخره ويبطلوا يعملوا شر فى عنيه
ويعدين صدقينى لكل شىء تحت السماء وقت
ربنا بيكون مرتب وشايف وعارف ان الشخص ده ليه ناس بيحبوه وبيحبهم وهو مسئول عنهم وفى لحظه مش بيلاقوه قدامهم لكن ربنا احن مننا على نفسنا حتى
لان اللى بيمسنا بيمس حدقه عينه واى الم بنحس بيه هو بيتالم معانا فيه وكمان عارفه ربنا بيجرح ويعصب زى ما تقولى هوبياخد حاجه عشان يدى حاجه اهم واحسن لان احنا منعرفش حكمه ربنا وتدبيره عشان كده مش عايزاكى تعيطى لما حد يموت ولا تفكرى ان فيه حد هايموت وهاتعملى ايه لو الشخص ده حصلتله حاجه لان ربنا غير مجرب الشرور
صدقينى الموت ميخوفش هو اللى يخوف اننا منكنش مستعدين ليه وفى اللحظه دى مش هانعرف نعمل حاجه عشان كده لازم تبصيله من الناحيه الايجابيه بتاعته وهيا ازاى اكون مستعده واساعد الناس اللى حواليا عشان يكونوا هما كمان مستعدين عشان لما ربنا يقابلنى اكون مشتاقه ليه ولمقابلته زى الشهداء والقديسين زى ما الكتاب بيقول " لى اشتهاء ان انطلق واكون مع المسيح ذاك افضل جدا " لان صدقينى ما احلى العشره مع يسوع
ويارب تكونى فهمتى قصدى وارجوكى متعيطيش ولا تزعلى عشان المك ده بيضايق ربنا قبلك وبيالمه زيك واكتر وعلى فكره لما بتعيطى هو بيببقى زعلان عليكى فافتكرى ان ربنا رحيم وحكيم جدا وبيحبنا اكتر من اى حد تانى وزى ما قلتلك ان ربنا غير مجرب بالشرور وهايتبسط لما يلاقيكى فهمتى قصده وحكمته وكلامه
وربنا يكون معاكى ويباركك