[elphilasouf]

المشاركة الأصلية كتبت بواسطة فرح® هلا ب جورج ...كيفك ..؟؟ اسمحلي كون المحامي الأول بس المشكلة هداافع عن ايه؟؟؟

هلا أهلا أهلا :d
ههههههههههههههه
سعيد بوجودك وأسألتك بجد يا اخت فرح
ياريت نشوف حد يعرفنا احنا الاتنين التهمه فين بالظبط

المشاركة الأصلية كتبت بواسطة فرح® إن كنت بتحب يااا سيدي...ربنااا يسعدك

أه طبعا وازاي حد يعيش من غير حب !!

المشاركة الأصلية كتبت بواسطة فرح® بس عايزة اعرف مفهوم الحب عندك يااا فيلو هل يتعارض مع مفهوم المنطق ؟؟؟ الحب ايه في وجهة رأيك؟؟؟؟ و هل اذا انجرحت من حبيبتك تعطيهااا مبرر/ايه درجة المسامحة /؟؟؟؟

أنتي جيتي لموتك هههههههههههههه
معلش بقي أستحملي الأجابه هي طويله شويه

الحب بصفة عامة شئ جميل موجود خصيصا للسعادة الانسان
- عدم إحساس الإنسان بالحب يعني حدوث مشكله في نفسية الانسان يسبب وجود انسان غير سوي الشخصية ، وبتظهر عليه أعراض كتير زي الكراهيه و العنف والتعصب والتحزب والحقد والإدانه وغير ,
- أما أحساس الانسان بالحب يعمل أكتفاء للأنسان ويحوله لأنسان سوي الشخصية ... يعمل الخير

بيقال عن الرهبان او البتوليين أنهم مجانيين ازاي يسيبوا حياتهم ويعيشوا حياة البتوليه ... ازاي يعيشوا من غير حب ...
والحقيقة أنهم طبيعي بيكونوا محتاجيين للحب زي أي حد ... لكن كل حاجاتهم بيسدوها من ربنا ..... بل بيكون عندهم أكتفاء زاتي من المسيح .

لكن الحب -بين الولد والبنت خاصتا- وأحب أوضح أولا أني أحترام وجود صداقات جميلة في مجموعه بين بنات وأولاد يحبون بعض كاخوه في المسيح .

الحب بقي إلي بيكون بين ولد واحد وبنت واحده إلّي المفروض يقود لسر الزواج المقدس ، في رأيي مش مجرد مشاعر ، لأن المشاعر ديما تتغير ، ممكن اكون برتاح لشخص النهارده الاقيه بكره اتغير و اتغيرت معاه مشاعري شئ طبيعي جدا لأن محدش ثابت غير ربنا ، فالحب المبني ع مشاعر بس من وجهه نظري هو وهم عمره قصير ولا يصح من الأصل إن احنا نسمية حب .

وطبيعي بقي تظهر كلمة انا بموت فيه انت حياتي أنت عمري وبعد كده الجرح والخيانه والكلمات إلي ديما نلاقيها في العلاقات المبنيه ع مشاعر فقط .

لكن الحب الحقيقي من وجهه نظري هو حدوث توافق بين شخصين
تبدأ من تعارف طبيعي عادي جدا ونلاقي في توافق أو تقارب - مش تتطابق - في الجانب الفكري والأجتماعي والروحي والجسدي والنفسي , إلي ع اساسه يحصل تقارب بين الشخصين وتعارف بشكل أعمق تحت أسم خطوبه ويزيد العمق لحد مايتكلل أخيرا في سر الزواج والإتحاد بالروح القدس .


ومن حيث درجة المسامحة\إلي أي حد أسامح هقولك إن إحنا عرفنا عمق الحب لما المسيح لم يشفق ع إبنه لاجلنا ، وشرب المسيح الكأس بكل الحب ليجسد حبه لينا .
فأي كان الى ممكن يحصل فينا يعني هنبقي أحسن من المسيح إلي فدانا ....
الى يتأمل في عمق حب المصلوب ميقدرش أبدا ميسامحش

مفيش في نفسك أسئله تاني
ههههههههههههههههههههههههه , أنا اسف بجد أني طولت جدا بس كلام في نفسي مقدرتش أخبيه
يمكن تقولوا عليا غريب أو شاذ علي القاعده ، لكن كفايا أنا مقتنع بفكره نفسي ورأيي .

سعيد جدا بأسئلتك الحلوه الى بجد طلعت كل الى كنت فعلا عاوز أقوله ,