سامحوني علي غيابي لفترات بعيده
بس اكيد فيكم كتير جدا مش يعرفني لأني قليل الدخول بسبب مشاغل الحياة
ايوه هو ده موضوعنا مشاغل الحياة
اخواتي انا كنت صغير زيكم بلعب وبجري مع اصحابي
بخرج كل يوم وبروح هنا وهناك
في مرة كانت الساعه 11 باليل ايام الجامعه وضربت فكرة في دماغنا انا وصحابي اننا نغير جو
فنزلنا اسكندرية ووصلنا الساعه 2 الفجر قعدنا علي البحر وشوفنا شروق الشمس
واتحركنا من هناك كانت الساعه 6 ورجعنا من تاني
كنت في بيتنا الساعه 8 تقريبا قبل ماوالدي يروح الشغل
صحي لقاني نايم في سريري
شايفين الطيور
كنا بنمرح وبنجري
انا محدش من اولادي يعرف اني بدخل علي النت
مع اني علي النت بقدر ارجع لسني من تاني الاولاني من غير ماحد يقولي انت كبير ولا صغير
بس انا انسان العمر بيجري اه وبكبر اه لكن جوايا مشاعر زمان متغيرتش
انا مش عارف ايه خلاني اقولكم كده بس انا مشتاق لايام زمان
ايام مابويا كان بيصحيني ويقولي يالا روح المدرسة واقعد اعيط واقوله الابله بتضربني
ايام ما امي كانت بتخدني في حضنها وتعالجني لما بكون عيان
ايام اصحابي اللي كانوا معايا ليل ونهار اللي منهم اللي مات ومنهم اللي سافر وبقيت لوحدي
ولادي كل واحد منه في سكة وطريق وحاسس اني وحيد
والمدام مش عاجبها ترجع لورا وتقول كبرنا خلاص
انا مش عاوز العب ومش عاوز اجري ولا اتنطط
انا وحشتني ايام زمان
متخليش يوم يعدي منك الا لما تعيشه صح
هتكبر وكل حاجه تكبر معاك
والحاجة الكبيرة صعبة في الحركة
اخوكم او ابوكم الناقد