للاسف سمعت تعبير مستفز جدا من احد الاعضاء
الى بعزهم جدا على ان
((الاقسام غير الدينيه والخروجات الشهريه هى مجرد "هيافه"
وهى ملهاش اي لازمه))
انا حبيت بس اجبله دليل عقلى مجرد على
عكس كلامه بس ركزو شويه معايا
اولا : لازم نتفق ان المنتدي هنا هدفه الاساسي
هو مكان للفايده الروحيه ومكان للخدمه
اذا كنت خادم فأنك بتشارك من خلال مشاركاتك
فى الاقسام انك تقدم كلمه ربنا لغيرك
وكمخدوم انك بتستفيد من المشاركات دي عشان
تسمع كلمه ربنا وتشوف حلاوته
يعنى المنتدي زي الكنيسه بالزبط طبعا
" من غير اسرار مقدسه "
تانيا : فى بدايه الخدمه ديما بنلاقى قدمنا مشكله
كبيره وهى عدم جاذبيه المخدومين للكنيسه "او
المنتدي " وعشان كده بنحاول نفكر فى عوامل
مساعده " عوامل جذب" حتى اذا ذاق المخدوم
حلاوه كلمه ربنا اصبحت عوامل الجذب لاتمثل شي
بالنسبه له غير تسليه
واكيد عوامل الجذب دي هى اقسام "الضحك
والفرفشه والالعاب "والاقسام دي الى بيقول عليها
صاحبنا "هيفه"
ثالثا : القسام غير الدينيه زي منتدي العلم والادب
والثقافه الى بتساعد على تنميه الجانب
الاجتماعى والثقافى والادبى والعلمى
رابعا : المنتدي اصلا يعنى تنظيمات لجماعه من
الناس بأمكانك ان تقدم موضوع ليفيد باقى افراد
الجماعه وتستفيد من المواضيع التى يقدمهاالاخرين
مع امكانيه اضافه تعليق
انا من التعريف ده كله ميهمنيش غير اول4 كلمات
"تنظيمات لجماعه من الناس" يعنى المنتدي هو
عباره عن جماعه
ولازم للجماعه دي "المنتدي"عشان تنجح شروط
زي مابيقول "علم الاجتماع" وهى
- وجود احساس انتماء للجماعه-كلنا بنحب المنتدي -
وجود مصالح مشتركه-الاساسي ربنا والخدمه
الاتفاق حول عدد من المعايير-قوانين ومعايير المسيحيه والمنتدي
وجود هيكل او بناء محدد للجماعه-سرفيروموقع ومنتدي واقسام كتير
حد يقدر ينكر الكلام ده ؟؟
والعلاقات والتفاعل ازاي يحصل واحنا العلاقه بنا
وبين بعض علاقه جمود و علاقه فاتره
يعنى كل لما حولنا نقوي العلاقه بنا "بين الاعضاء"
فى اطار روحى سليم
كان فى صالح المنتدي وما فى صالح المنتدي هو
فى صالحنا لانه بيفدنا عشان بيقربنا للمسيح
لكن اكيد هتكون الاقسام دي ملهاش لازمه وبجد
زي ماقولت هايفه اذا كان دورها اكتر من عامل
جذب للهدف الاساسي وهو المسيح
لكن ليس كل ما لايتفق مع ميولنا هو هايف..!!
سمحونى على الاطاله يمكن كتير ميقدرش يفهم
الكلام ده عشان كلام معقد انا عارف بس انا حولت
ابسطه على اد مقدر وياريت اسمع رأيكوا
اخر حاجه
اكيد ده هجوم على فكر صاحبنا مش
شخصه وطبعا تم استاذان صاحبنا لانشر هذا
الموضوع