مشكلتى انى مخطوبة لواحد بحبه اوى ووقفت قدام الدنيا كلها علشان ارتبط بيه و ساعدته علشان يقدر يخلص شقته ولكنه ما بيعملش طول الوقت غير اللى بيتعبنى و يوجعنى ما بقاش شايفنى خلاص ممكن يقعد اكتر من يوم من غير ما يكلمنى و طول الوقت بيتعمد يقلل منى ومن عائلتى ولما بحاول انهى الخطوبة بيحاول بكل الطرق انه يصلحنى ولما يحس انى سامحته يرجع يوجعنى تانى . دلوقتى مابقاش عاوز يشوفنى و لا يكلمنى بقيت بحس انى بشحت منه الاهتمام المشكلة انى مش عارفة اسيبه حاسة انى فى دايرة مش عارفة اخرج منها كل ما احاول اسيبه الاقى نفسى بكلمه او حتى بعتذرله من غير ما اغلط فى حقه. انا بجد تعبت حاسة انى هاموت من ضعفى ده انا ماكنتش كده . صلولى