بسم الثالوث القدوس
يا كل عضو من اعضاء المنتدى
يا كل عضو موجود على ارثوذكس
ياكل شخص مسيحى
يا اخويا يا اختى
من فضلكم اسمعمنى كويس
ياترى انتوا ايه رايكم فى اللى حصل
اقصد من ثورة الغضب
طبعا انتوا اغلبيتكم مشاركتوش فى المظاهرات
ولا حتى انكم عايزين تشاركوا فيها
بس
ياترى احنا هنفضل ساكتين لحد امتى , لحد امتى هنفضل ساكتين ومنقولش راينا وكمان مش بنشارك فى اى حاجة فى البلد اقصد بلدنا مصر بلدنا اللى احنا فيها الاصل واحنا الاساس واحنا كل شئ فيها
المفروض يا اخواتى احنا لازم نتكلم بقى ونقول راينا سواء فى المظاهرات او فى انتخابات الرئاسة اللى جاية واللى مفروض نقول فيها راينا وندى اصواتنا ومن غير ما اى حد يشترى صوتنا او يخفيه حتى ومهما كانت الاسباب احنا هنقول راينا ومهما كانت الظروف احنا مفيش حاجة هتمنعنا من اننا نشارك فى كل شئ فى بلدنا
بجد ياريت كلنا نتكلم ونقول ان ده صح وان ده غلط
يا جماعة ارجوكم اتكلموا ومتخافوش انتوا خايفين من ايه بس
انتوا عارفين ان اخواتنا المسيحيين فى مصر وخصوصا فى ميدان التحرير كانو كلهم ايد واحدة وكانوا مع بعض كمان وعلى فكرة المسيحيين والمسلمين كلهم على مستوى مصر كانوا بيساعدوا بعض عشان يحموا تاريخ بلدهم
وعشان يحموا حاجتهم ومالهم وكمان كانوا بيسهروا مع بعض عشان حماية بعض من الحرامية والبلطجية وغيرهم
واكيد انتوا كلكم عارفين الكلام ده
على فكرة احب انبهكم لحاجة مهمة جدا هى ان الاخوان عايزين الحكم باى شكل من الاشكال وباى حال من الاحوال وكمان عايزين يطبقوا حاجات كتير مش كويسة واللى انت غيرك ميعرفوش ان كل ده هيجى على حساب المسيحيين وهنبقى فى الضياع وعايزين يستولوا على الحكم
ارجوكم خافوا على مستقبلكم وخافوا على عيالكم وخافوا على اللى ليكم وخافوا على اخواتكم المسيحيين اللى ملهمش ذنب وممكن يضيعوا فى الرجلين
ياريت كلنا نعمل بطايق انتخابية وننزل ونقول راينا ونختار الصح واللى فيه فايدة لبلدنا ولولادنا
ارجوكم متستسلموش وكل واحد يعمل بطاقة انتخابية ويقول رايه ويدى صوته للى فيه الصالح فى المستقبل
يا جماعة ده تنبيه مهم وكلام صادق منى ومن اخواتكم المسيحيين الصادقين اللى خايفين عليكم وعلى مستقبلكم
وربنا معاكم صلوا كتير