رد: حروب الشك بتدمرنى
كُتب : [ 11-01-2010
- 12:02 AM
]
هو قال الذى يحبنى أظهر له ذاتى و هو قادر يعمل كده معاك بعدين لو فضلت تمشى بالعقل و المنطق و بس هتلاقى كل فكر وكل دين و كل فلسفه ليها أثباتات و أسباب منطقيه تخليها تقنعك بس الأهم اللى أنت عيشته و دوقته و حسيته فى حياتك بجد.على فكره ده مش كلامى ده كلام أب أعترافى.بعدين هم أهل نينوى اللى ربنا دور عليهم و بعتلوهم يونان كانوا من شعب الله؟ لأ و برضو لما كلم يونان عليهم فى أخر سفر يونان و قال له أذا كنت أنت متضايق على زرعه عمرها يوم أزاى مش عايزنى أناأشفق على عمل أيديا.راعوث اللى ربنا مش بس قبلها لأ ده كمان جيه و أتجسد من نسلها كانت من شعب الله؟برضو لأ متخليش موضوع شعب الله ده يخليك تشك فى حب ربنا و عدله و ربنا معاك و هو قال أن الجياع و العطاش للبر هو هيشبعهم و هو وحده البر الكامل و أصل كل بر و قادر يشبع جوعك و عطشك ليه و يظهر لك ذاته.ماتخليش شكك يخليك تتضايق من نفسك أو تحس بالضياع و أفتكر أن توما لما شك فى قيامة المسيح هو اللى جه عشانه و ظهرله و وراله جراحه و قاله تعال و ألمسنى و أتأكد بنفسك فقاله ربى و ألهى و أمن مش بس بقيامته كمان بألوهيته و هو هيقدر يعمل كده معاك لأنو بيحبك أوى و مش هيهون عليه يسيبك فى شكك
|