[نانانادر]

انا بحييك على موضوعك الجامد دة وانا كان نفسى ارد علية من كام يوم المهم انت عبرت عن صورة مستفزانا كلنا ..انا هقولك عن حاجة عاملها الانبا ابرام اسقف الفيوم ... لما العريس بيروح يحجز فى الكنيسة ميعاد خطوبة او فرح بيدفع من 1500 الى 3000 جنية تامين وبيستردهم بعد الخطوبة او الفرح بشرط واحد فقط انة ميعملش حفلة برة الكنيسة فى اى قاعة او نادى او فندق .. وفى نفس الوقت سيدنا عامل قاعات على مستوى عالى جدا جدا من الفخامة يتعمل فيها الريسبشن بعد الفرح مجموعة من القاعات مختلفة التصاميم علشان تناسب كل المستويات ومحدش عندة حجة و بيسمح فيها بتشغيل موسيقى هادية تناسب جو الدير على فكرة القاعات دى موجودة فى دير الانبا ابرام ..
وطبعا وجهة نظلر سيدنا الانبا ابرام ان العريس و العروسة بيكونوا واخدين سر مقدس من اسرار الكنيسة زية زى التناول بالظبط ميصجش انهم يروحوا يرقصوا ويغنوا بخلاعة زيهم زى اى حد تانى..
اما بالنسبة لموضوع اللبس عايزة اقولك انها بتبقى مسابقة بين البنات مين هتكشف اكبر مساحة من جسمها . واللى بتعرى اكتر بتبقى الاشيك وطبعا دى خيبة تقيلة
انا تحت البيت عندى فية استوديو طبعا هتعرف تفرق بين فرح المسيحيين والغير مسيحيين من لبس البنات طبعا.....عموما اللبس الخليع بقى موضة دلوقتى وطبعا الناس التانية بتغطى واحنا يا اولاد ربنا بنعرى
ببساطة تقدر تفرق بين البنت المسيحية وبنت العالم بسهولة من لبسها
ومن وجهة نظرى ان المشكلة تبتدى من البيت اللى بيسمح للبنت بالخروج بالبس دة
انا اسفة طولت عليكم