[aymonded]

المشاركة الأصلية كتبت بواسطة ابو صلاح بسم الله الرحمن الرحيم .. . انا مسلم يا شباب ودخلت المنتدى ده عن طريق الغلط .. وبجد انا بحب اخوتي دول جدا بعيد عن الدين كلنا تحت وطن واحد ... وكلنا عرب وكلنا قضية واحدة .. وبجد اللي كتب الكلام ده فعلا انسان لان الانسان مش لازم يكون عايش بس لا الانسان بطبيعته اجتماعي وروح الجماعة دي فعلا اجمل حاجة .. يمكن يكون وجودي مضايقكم بس والله انا مش ببص لها من ناحية الدين .. انا انظر اليها من ناحية الراي والتفكير العالي وانا معجب جدا باغلب الافكار .. والقران وكل الكتب السماوية دعت الى الاخوة والاحترام فيما بين البشر .. انا متشكر جدا يا جماعة على روحكم العالية دي بجد . وانا فعلا ليا اصحاب كتير جدا من المسيحين وكنا بنتجمع لاننا اصحاب واخوات و بالله العظيم كنا بنخاف على بعض جدا .. وانا يا ريت ما اكنش مضايق حد لاني لو مضايق حد ماعنتش هادخل تاني لان احنا من عادتنا ان احنا ما نضايقش اي حد ابدا .. متشكر بجد على الموضوع الرائع ده وباركك الله يا كاتب هذا الموضوع الشيق يا اجمل كــــامل ..

نرحب بيك صديق حلو لنا ، محبوب عند الجميع لأننا خلقنا جميعاً من إله واحد ، قد خلقنا من جنس واحد غير مختلفين إلا في منهج العبادة التي تخص القلب ، أما من جهة إنسانيتنا فلا يوجد فرق لأننا جميعاً نشترك في عبادة الله محب البشر بلا تفريق أو تمييز ، وحينما نعبده بإخلاص المحبة وثقة الإيمان ، نلتقي حتماً في نفس ذات العبادة التي ترفع الفوارق بيننا وتآلفنا بنفس ذات الحب الواحد الأصيل ...

فأن كان الله يقبلنا ويسامحنا ويجعلنا نعبده بالحب ، فكيف لنا أن نرفض أي إنسان ينضم لنا ، فلو رفضنا أحد حتماً سنرفض من الله مهما كانت تقوانا وعبادتنا ولو سلمنا أجسادنا للنار من أجل عبادة الله ، لأننا غير مقبولين أمامه لو فرقنا أنفسنا ورفضنا أي شخص مهما كان وضعه ...

أخي وصديقي الغالي جداً أشكرك حقيقي على كلماتك الحلوة
أقبل مني كل تقدير
وعام سعيد ليك يا أحلى غالي