رد: المشاعر فى فترة الخطوبة
كُتب : [ 01-13-2011
- 02:57 PM
]
ولو ان طلبك غريب بصراحة
لان المشاعر صعب جدا وصفها يا عزيزتى صاحبة السؤال
المشاعر دى بتبقى احساس لا ينفع تتكتب ولا ينفع تترجم بالحبر
يا حبيبتى 000
المشاعر انتى اللى هتحسيها وانتى معاااة
يعنى مثلا حاسة بارتياح نفسى وانت معاة حاسة باشتياق لية لما يغيب عنك حاسة انك كتاب مفتوح قدامة حاسة انك متفاهمة معاااة والافكار متقاربة حااسة بتوافق ومشاركة فى الطموح والاسلوب فى التعامل
مثلا 000
انتى رقيقة ورومانسية وهو بيعرف يقدر دة ويحترم دة
دة حب
هو عملى اكتر شوية وانتى متفاهمة دة بحكم رجولتة وطبيعتة
دة حب
بس اوعى بقى 00
يوهمك بالكلام المعسول اللى لا يودى ولا يجيب ونهايتة بتكون مش حلوة
اااة مفيش مانع طبعا من كلمة حلوة اى بنت بتحب تسمع كلمة حلوة من خطيبها بس الشئ اللى بيزيد عن حدة بيتقلب ضدة
متبقاش فترة الخطوبة كلها كلام فى كلام وشعر ورمانسية
كل دة جميل بس ياريت يكون معاة شوية واقيعية وايجابية وتتفقوا على طريقة واسلوب حياتكم فيما بعد
ولو حسيتى انة بيعمل المستحيل علشان يرضيكى ويسعدك دة اكبر مشاعر ممكن توصلك عملا مش قولا
واوعى احذرى من اى تنازلات ملموسة من اى نوع مهما كانت بسيطة لانها بتبدا بلمسة الايد وبعدين وضعها على الكتف وهكذا وبعدين بيكون ليها ابعاد تانية مش معمول حسابها
دة هيخليكى ترخصى فى عنية دة مش من حقك ولا من حقة
لان فى شباب بتربط الحب والمشاعر الحلوة بالملامسات وطلب دة من الخطيبة ودة لو نفذتة دة يدل على حبها واخلاصها اوعى تصدقى الوهم دة
دة مش حب بالعكس دة هيبقى ضعف منك انتى وهتدفعى ثمنة فيما بعد
اتمنى اكون افادتك 000
وربنا معاكى ويفرحك ومبرررروك مقدما انتى وخطيبك
|