[emmmy]

المشاركة الأصلية كتبت بواسطة رويس بصي يا فندم علشان منبقاش ظالمين في الحكم ونعمل زي إيليا النبي لما قالوا قتلوا كل انبيائك ومش فاضل غيري، لأ بقي .. لأ بقي ههه هو ربنا مش بيسيب نفسه بلا شاهد ابدا ورجال الله مالين الارض، وفي ناس كتير دلوقتي اباء بيتتلمذ علي ايديهم العشرات والمئات عفوا انا حقيقى بعتزر على عدم توصيل القصد بشكل اوضح واصدق ودة لان الموقف كان صعب عليا شوية اعتبرتة ملوش لزوم بس مدام قصدى وصل غلط خالص كدة للقراء فانا هقول وبكل صدق وامانة ان دة مكانشى قصدى نهائى انا عارفة طبعا وبكل تأكيد ان ربنا مش ممكن يسيب نفسة من غير شاهد وفى كل عصر وجيل بيكون فى نماذج حلوة تشهد وتمجد اسمة لكن انا كان قصدى انة مفيش على المستوى الخاص عندى بمعنى قريب منى انا او فى كنيستنا مفيش الرعاة اللى يأخدوا بالهم من الخدمة بشكل حلو ويتابع كل حاجة مفيش الاب الروحى اللى يكون متابع الخدام وحياتهم الروحية ومدى علاقتهم بربنا وبمخدومنهم ومدى تأثير الخدام على المخدومين ومدى نجاح او فشل الخدمة من الناحية الروحية مفيش التلمذة الروحية بين الخادم وامين الخدمة والاب المسئول عن الخدام والخدمة للأسف !!! ودة لاسباب كتيرة جدا جدا اغلبنا معتمدين على النت والكتب والعظات والقنوات المسحية ودى كلها امور مفيهاس عمل روحى حى متلامس معاش كل دة اتحرمنا منة من فترة كبيرة وبردوا لاسباب معينة ابسط الامثلة عندك البابا شنودة والانبا بيشوي اللي هو من افضل 20 لاهوتي علي مستوي العالم سيدنا البابا شنودة مثال نادر فى كل حاجة حلوة انا بعتبر وجود واحد زية دلوقتى عزاء ودليل على ان لسة فى شهود للمسيح رغم كل الاحداث اللى احنا فيها ابونا تادرس يعقوب ملطي اللي جمعلنا تفاسير الكتاب المقدس كله بلسان الاباء ابونا عبد المسيح ابو الخير البسيط، تخصصه لاهوت دفاعي الانبا يؤانس سكرتير البابا، واحد بيطلع حب وفرح واللي مشوفتلهوش صورة حتي الان الا والابتسامة علي وشة ابونا داود لمعي وناس كتير كتير كتير، ونروح بعيد ليه؟ يعني ابننا يبقي علي كتفنا وندور عليه ؟ عندك هنا في المنتدي الاستاذ ايمن دول ناس في حاضرنا وناهيكي عن ماضينا حافل ازاي بالاباء المُعلمين والتلاميذ اللي صاروا مُعلمين، زي القديس اثناسيوس الرسولي أعظم ثاني لاهوتي في تاريخ المسيحية بعد بولس الرسول كان تلميذ للبابا الكسندروس في التعاليم المسيحية بطقوسها ولاهوتا والانبا انطونيوس في نسكه وتقشفه وبقي بطريرك بعد كده واصبح لولا الانبا اثناسيوس مكنش بقي في ارثوذكسية في مصر او العالم واللي بقي اثناسيوس العصر الحالي هو البابا شنودة. فمنقدرش نقول ان مفيش ناس معندهمش امكانيات ولكن انا لما جبت الانبا مقار والانبا انطونيوس، لان علي مر العصور الاباء الرهبان والبتوليين كانوا هما الدعامه الاولي للايمان القويم بل وهم الخط الاول في الدفاع عنه والحفاظ عليه، ومش لازم واحد يمتلك كل الامكانيات اللي في الانبا مقار والانبا انطونيوس، اكيد الناس دي موصلوش لكل الفضائل دي من اول سنه ولا اتنين (انا بتكلم علي الاتنين دول بالذات لاني عملت بحث عن حياتهم وانا 2 اعدادي عن الثلاثه مؤسسي الرهبنة القبطية في مصر الانبا انطونيوس والانبا مقار والانبا باخوميوس 117 صفحة فلوسكاب) فانا بصراحة كل ما يحضروا في ذهني ببقي رغاي لابعد الحدود ههههه، يعني علشان مبقاش ممل (كالعادة يا .. انجز بقي .. حاضر الله) يوجد ناس كتير وأنتي اسهل مثال لينا هنا كواحده خادمة وبتحرص علي الخدمة وازاي هي نموذج للخادم.

اشكرك يارويس على مشاركتك الجميلة وانك اديتنى فرصة اوضح القصد اللى فى نيتى بكل صراحة اشكرك على النماذج الحلوة اللى ذكرتها من الاباء والمعلمين ياريت ياريت نلاقى واحد منهم قريب مننا شوية كانت حاجات كتير هتبقى احسن وحاجات كتير مش هتبقى موجودة وندوق طعم الخدمة زى الاول