مساء الخير يا احلى منتدى
قبل كده اتكلمنا عن طريقة جديدة تعبر بيها عن حبك للناس اللى بتحبهم
وباقى اية الناس النص نص و الناس بتوع السلامات وشكرا
وباقى كمان قرايبنا و اسرتنا يعنى زوجك زوجتك خطبتك خطيبك اختك اخوكى ماما و بابا و تاتا وجدو - دة موش اهداء على قناة روتانا- باقى الناس دول اللى احنا بنعيش معاهم كل يوم
طب تعالوا نبدا باول ناس النص نص
يعنى موش بحبهم قوى وموش بكرهم قوى
فرصة عيد الحب ممكن تخليك تحبهم اكتر
ممكن لو بصورة صغيرة فيها اهداء تعبر عن مشاعر صداقة جواك
ممكن لو بوردة تعبر عن سعادتك بالصداقة دية
طب الناس بتوع السلامات
دية بردة فرصة انك تاخد وقت تقف و تسلم فترة اطول وتسال عن الاخبار و عملت اية فى عيد الحب وهكذا صدقونى ممكن يكون فيهم كنر انت لسة مكتشفتوش فيهم
طب الاهل و القرايب ودول دايما مظلومين معانا الحقيقة
بص يا سيد ى وركز معايا قوى
لو متجوز او متجوزة ومر فترة طويلة على جوازك وانت حاسس بملل ، عيد الحب دة فرصة
فرصة انك تجدد مشاعر الحب
فرصة انك تملى كاس الحب
كل واحد طبعا عارف اية اللى بيسعد الطرف التانى
وكل واحد عارف اية اللى بيزعلة
طب ما تستخدم حيلة انك تعرف اللى بيسعدة وتعملوة ولو لمرة اضافية فى عيد الحب
مثلا هو بيحب قوى اكل معين او حلويات معينة
راح معاكى وشاف ساعة وعجبتة موت
شافت فستان و انبهرت بية بس غالى شوية
نفسها تروح تتعشى فى مركب معينة
فية امور كتير ممكن تفرح الطرف الاخر و تعبر عن مشاعرك
حتى لو زعلنين من بعض هى فرصة لمفاجاة سعيدة تشيل كل الزعل
فرصة انك تمسك كراسة الشكوى والتذمر وتمسحها باستيكة
فمتفوتش الفرصة دية
اما باقى الاهل
فكل اللى فات بردة ينفع ويا سلام لما تبذل المستحيل علشانة وتحسس الاهل انك عملت المستحيل علشان تعبر عن حبك
مثلا بابا نظارتة مكسورة من مدة ياة لو اتفقت مع محل نظارات ان بابا هايجى يختار نظارة وانا موش معايا غير كذا فيطلع لبابا نظارات فى حدود اللى معاك
ياة لو ماما بقالها كتير مجبتش هدوم علشان انت واخواتك تجيبو تفاجاها بمصروفك او جزء من مرتبك بهدية زى كدة
ممعكش فلوس؟
اقولك كل ما تعمل حاجة متسحيلة هاتبقى اثرها عظيم جدا فكر وانت تقرر
وفى اخر كل اللى فاتت دة
اقول انا عملت كدة علشان انا عارف ان دة هايفرح وعلشان اقولك انا بحبك
اتمنى ان الوقت ميعديش من غير ما نكون جهزنا رسالة الحب و لستة احبابنا
ومستنيه اعرف اية اللى حصل ضرورى جدا
عايزه اسمع حكايات حب حصلت فعلا