بسم الاب و الابن و الروح القدس
اله واحد امين
طبعا احنا داخلين على اجازة نص السنة و معسكر الكشافة فاضل عليه اسبوع واحد...و كل طليعة مطلوب منها تجيب معاها المعسكر حاجة جديدة ابتكروها علشان تساعدهم في المعسكر و اصحابنا كان عندهم فكرة جديدة رهيبة و هي خيمة غريبة بتتقفل و تتفتح في ثواني من غير اي مجهود........
مينا:انا مبسوط قوي ان احنا هننفذ فكرتنا القديمة و حاسس اننا هنكسب السنة دي كمان.
ابانوب:اااااه دة غير ان احنا عندنا مدة طويلة قبل المعسكر يعني هانبتدي نشتغل براحتنا
و فضل الاصحاب قاعدين من غير شغل لغاية ليلة المعسكر.
جون:عجبكوا كدة قعدنا نقول هانكسب هانكسب احد مابقاش في وقت خالص.
ابانوب:طب و هانعمل ايه دلوقتي؟
مينا:احنا نسهر للصبح و نشتغل لحد ميعاد المعسكر
....وفعلا فضلوا اصحابنا يشتغلوا لحد ما خلصوا الخيمة بس تعبوا كلهم و راحوا في النوم و فاتهم ميعاد المعسكر!
مينا:انا هاكلم كابتن اسامة و اقوله ان احنا هانركب اي حاجة و نحصلهم للمكان و انن راحت علينا نومة.
واخيرااااااااااااا
وصل اصحابنا يدوب في ميعاد المسابقة و رغم ان الخيمة بتاعتهم كانت احسن ابتكار الا انهم خسروا عشان وصلوا متاخرين!!!!!!!!!!!!!!!!!!!!!!!!!!!!!!!!
وقف كابتن اسامة في وسط المعسكر و قال:
"(لكل شيء تحت السماء وقت)"(جا1:3)
ايه كتير بنسمعها و مش بننفذها
ليه لما بتدي معاد بتقول دائما 6 -6:30
ليه متبقاش 6 بالضبط
رغم ان ربنا كل حاجة عملها في وقت محدد لما نزل يخلصنا في ملء الزمان يعني في اليعاد اللي كان محددة و لما جم اليهود يرجموه مسمحلهمش و سابهم و مشي عشان ميعاد موتة كان لسه مجاش..........
السيد المسيح عاش على الارض اللي احنا عايشين فيها و التزم بقوانينها عشان يعلمنا نكون ملتزمين في وقتنا و كل حاجة في حياتنا...............
و في الاخر احب اقولكم لو كانت عجبتكوا القصة و النت عندكوا بيفصل و عايز ترجع تقراههههها
اسم القصة:براعم انطنيوس من كنيسة الانبا انطنيوس بشبرا
الاصدار:اصدار فبراير2008 السنة الواحدة و العشرون بعنوان لكل شيء تحت السماء وقت
ارجوا ان تكون قد عجبتك القصة ولا ارجوا سوى ان تصلوا لي و ردا بسيطا يفرحني(انشالله كلمه اد الفتفوتة او حتة رد صغير اااااد كدة هو)
و باذن المسيح اجبلكوا قصة تانية قريباااااا على ارثوذكس