عرض مشاركة واحدة
بياناتي
 رقم المشاركة : ( 3 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: خدمة وسائل الايضاح

كُتب : [ 02-14-2011 - 06:13 PM ]


اناستاسيا



المشاركة الأصلية كتبت بواسطة اناستاسيا
سلام ونعمة بالنسبة لوسائل الايضاح فى الخدمة أنا بخدم الملائكة واستخدم وسائل بسيطة جدا وبركز بهذة الوسيلة على الهدف اللى عايزة اوصلة للطفل مثلا
لو هشرح قصة حياة موسى النبى فى الصغر هتكون الوسية عبارة عن وعاء من البلاستيك لة غطاء وعروسة على شكل بيبى وبركز اثناء شرح هذة الجزئية على مثل ما حافظ اللة على موسى فهو جافظنا جميعا من كل الشرور مهما كان الخطر
قصة احرى مثلا قصة القديس موسى الاسود بركز على جزئية اعترافة فبتكون الوسيلة عبارة عن ورقة كرتون مقوى ابيض مكتوب عليها عدة خطايا بتاعة الصغار بقلم سهل مسحة وبخلى الاطفال اثناء شرحى واحد واحد يمسح خطية واحدة الى ان تكون اللوحة بيضاء وبقول لهم مهما عملنا خطايا وحشة بتتشال بسر عظيم وهو سر الاعتراف و ابسط لهم هذا السر العظيم اوعى تقولى صعب عليهم بالعكس دة اهم سن عشان نغرز فية ثمرة اسرار الكنيسة
قصة اخرى ويا رب ما تكونيش نمتى منى
لو حبيت اشرح لهم قصة المشلول واصحابة الاربعة بجيب كرتونة متوسطة واربطها بحبال من الاربع جهات وبداخلها تمثال صغير وبغطية وبعد ماشرح لهم بالوسيلة دى بخلى اربعة منهم يمثلوا دور الاصحاب وبيكونوا فرحانين جدا لانهم مثلوا وكمان بنطلع بهدف ان يتعلموا مساعدة الاخر مهما كان مش شرط يكون صاحبة
قصة اخرى لو حبيت اشرح قصة القديس العظيم مار جرجس مش بتكلم فى الالام خالص بس اللى بركز علية هى تجربة السم فبتكون الوسيلة زجاجة عصير وكوب ماء وامثل لهم وهو يشرب السم بعد رشم الصليب واشرب انا العصير وطبعا ما بيحصليش حاجة
قصة ثانية القديس ارسانيوس معلم اولاد الملوك وسيلة الايضاح بتكون طبق من الفول وماكتر عندنا قد الفول وبعد الشرح بخلى اى طفل منهم يمثل دور القديس اثناء ما كان بينقى الفول الحلو ويأكلة ويترك الفول المسوس ونكمل الشرح طبعا لازم يكون الشرخ بسيط جدا جدا
وفى قصة عيد صليب رب المجد يسوع بجيب 3 صلبان متشابهة ومسامير وشوية كرتون مقطع واضعة على الصلبان الثلاثة وابدء فى الشرح واخليهم يبحثوا معى على الصلبان ولما بنلاقيهم بجيب عروسة من اللى بتفتح وتغمض عنيها واضعها على الصليب الاول والثانى الى ان تضع على الصليب الثالث واثناء ما بشيلها بتفتح عينها وكأنها قامت من الموت
وطبعا بحب اوى اركز على اسرار الكنيسة
طبعا فى وسائل احرى مثل كتب ملونة والكتاب المقدس للاطفال انا شايفاكى تعبتى طيب على العموم لو عايز تانى انا تحت أمرك واتمنى ان اكون افدت بشىء



رد مع إقتباس