المئل ده صعيدى يا جماعة بس يهلك من الضحك و مع ذلك ليه معنى
فعلا كل واحد عامل نفسه امير
مناخيره فى السما ومش مستحمل كلمة من حد
طيب لما تبقى الدنيا كلها تكبر ومفيش اتضاع ومحبة يبقى من صح الى هيربط الحمير
تخيلوا كده لو مكانش فى زبال ولا كناس ولا فراش ولا ناس كتير قابلة تشتغل شغل فى نظر ناس كتير حاجة ما تسواش
كان حال البلد هيبقى ايه
الناس دى تستاهل الشكر مش نبصلها بقرف
الناس تستاهل الاحترام مش نتكبر عليها
الناس دى عاوزة تعيش بس مش اكتر
والى طالبة معاه يبقى امير خليه امير على نفسه مش على الغلبان بقى
جرب فى يوم كده التواضع هتلاقى الدنيا اسهل بكتير وماشية وجميلة على الاقل مش هتتكلف وترسم نفسك
الحياة ابسط بكتير
وانا أمير وأنت أمير طب مين ح يربط الحمير