ابكى يا ناى وخليك حزين
ياريتك يا ناى تعرف تبكى
يمكن الدموع كانت تشفى
الالام وجراح وكسور
يوم بعد يوم بتزيد بحور
من الدماء ده غير الاجساد
اللى بتداس مع انها اسياد
عيشتهم بسيطه هاديه
هدوء زى السما الصافيه
فجأه تنقلب خوف وحزن ومرار
من حاقدون اندال اشرار
كلهم حقد وشر وغيره
من الاحسن منهم ملايكه صغيره
كل الحكايه والذنب انهم
قالوا هيفدوا المسيح بدمهم
يارتنى اقدر اكون زيهم
اسامح واغير كرهى للهانوهم
اه لو شوفتوا اللى انا شوفتوا
كنتوا مش بكيتوا لا نحتوا
كنتى زيى شيلتوا الطين
وما اكتفتوش بصراخ وأنين
اللى شوفتوا لا يوصف بالكلام
ولا حتى ببكاء وحزن والالالم
فتاه صغيره لا تتعدى العشرين
كل اللى قالته مين حبيبى مين
غير المخلص الخالق الفادى
اللى اتذل واتهان عشانى
هو ربى وخالقى وجابلى
وانا اعترفت بيه انه مخلصى
كانت فتاه تائه غير مسيحيه
من غير ايمان ولا محبه قويه
عرفت المسيح نور العالم
فاقبلت انها تكون ضد العالم
قالت انا مسيحيه بدون خوف
بمحبه وشوق وقلب ملهوف
انه يكون قلب طاهر مسيحى
يدق كل دقه بمجد لمسيحى
جابوها فى ساحه وسط الناس
وجعلوا راسها للكل مداس
ضرب وشتيمه واهانه
وفى الاخر ياعينى جعلوها عريانه
حاولت تستر روحها البهيه
علشان من الواقفين ما يكسبش حد خطيه
حقد وكره وضمير كذاب
من بشر فاقوا فى جبنهم الكلاب
والكل واقف شايف فرحان
فى منظر تعذيب وقتل انسان
ياعينى عليكى ياوحدانيه يا مسكينه
مفيش حد يقول سلامتك يا غاليه عالينا
تحاول تقوم الفتاه الغلبانه
لكن ازى وهى بالجروح ماليانا
بالحجاره كان الضرب كتير
قالوا نرجمها بقلب شرير
كان وسطيهم واقف الشيطان
شاهد على ابشع منظر لانسان
واخيرا جاء اقزر حيوان
بحجر كبير رماها الجبان
على راسها والدم بان
ومره تانيه كررها كمان
كل ده من غير صراخ ولا صوت
قبلت بكل فرح وتعزيه الموت
ماتت الفتاه ودمها ملا كل مكان
ولا فى رحمه فى قلب اى انسان
راحت للابديه والمجد الحقيقى
ونالت اكليل شهاده حقيقى
مهما بكيت وقولت يا مرار
مش هيبرد قلبى اللى زى النار
اخواتى اعضاء المنتدى الاحباء
اعذرونى
على هذا الكلام
لكن صدقونى الكلام ده مش من فراغ
لكنى شاهدت مقطع فيديو لفتاه بتموت علشان اعترفت بالمسيح
وهحاول اجبلكم هذا المقطع
ده بعد اذن اداره الموقع
ربنا موجود ربنا يرحمنا
ربنا يدبر الامور