تيجي نحلم ياحبيبتي باللي جاي سوا
تيجي نرسم احلامنا علي شط الهوا
تيجي معايا ايدك في ايدي نروح لبعيد
لزمان تاني ومكان تاني ايامه كلها عيد
تيجي نحلم واحنا سوا وعايشنها الدنيا والايام
افكارك تحضن افكاري وسوا نرسم لينا الاحلام
تيجي نحلم بيوم نتجمع فيه مع بعض
نقفل علينا باب واحد نقفله في وش البعد
تيجي نحلم بيوم متجمع فيه كل القرايب والاحباب
يوم فرحنا فرحانه بيه كل الناس والاهل والصحاب
تيجي نحلم بزفه وفستان بطرحه بيضه علي راسك
تيجي نحلم باليوم ده وانا معاكي اقربلك من انفاسك
تيجي نحلم بيوم فيه قلقان عليكي مستني ابني منك
تيجي نحلم بيه بيلعب مع اخته اللي اسمها علي اسمك
تيجي نحلم بيهم في يوم فرحهم والفرحه مش سايعانا
تجي نحلم بيهم ومعاهم احفادنا بيتشاقوا حوالينا
تيجي نحلم وواحد فينا بيموت والتاني مات في حضنه
من حبه روحه راحت وراه مقدرتش تستغني عنه