معرفش هتقولوا عليا اية بعد ما تقراؤا الموضوع
الذى اتمنى فعلا اسمع رايكم فية
لانى ارى من الامانة نقل هذا التحذير لكم يا بنات
واشكر ربنا جدا على تربيتى الصعيدية جدا جدا
والتى اعانتنى كثيرا لفهم اكثر لطبيعة تكوينى
كقبطية ارثوذكسية حتى النخاع
تلك التربية التى ارست فى اعماقى
بالعمق العميق لتلافيف تفكيرى
ان الشاب الذى يتحدث كثيرا عن الحب
اما لا يتحمل مسئولية الحب
او لايعرف اصلا كيف يحب
لية بقول هذا الكلام
لان ربنا اشكرك يا رب ما بيحرمنيش من حاجة
سمح لى بالتفرج على تجربة لا تخصنى
لكن جعلتنى اتامل كثيرا
واتالم اكثر
اذ محدثتى كانت مبهورة بذلك الشاب الجميل
طبعا من النت
والذى فاض فى رسم نفسة بصورة جذابة كذابة
تغرى اى بنت بان تشتاق للتعرف على ذلك الفالنتين المرسوم بدقة
كيف انة خريج اية وموهوب فى اية وبيعمل اية
وشوية مؤثرات سينمائية روعة بجد
مع كلام سايح وعايم ورشتين رومانسية
وحبتين دموع
والفكاهة بقى دى طبع الخفيف الظريف مووووت
مع شوية صور
واهداءات
وصباح ومسا وتصبحى وانا مقلوب احلم فيكى
طبعا مع لزوم الشغل شوية روحانيات لسبك الطبخة
وتبدا القصة بالنعمة والسلام لتنتهى ب القصائد والاشعار
من خبير متخصص
لا يمارس سوى الكلام
وفى لحظة صفاء نادرة
اذ اللة يكشف الخفى دائما
خير اللهم اجعلة خير
يقع الغندور بغلطة ثمينة
وما رايك فى كل ما تكتبة
وكل البنات اللى واقعين لشوشتهم فيك يا فلانتين
الحقيقة كل دة تسالى
يا نهار مالوش الوان
وفلانة المحروقة والتانية المولعة والثالثة اللى داخلة الليستة جديد
الوهم اصلة الذ من الحقيقة
وبعدين اية مسئوليتى عن كلمة بحبك ولا شوية اشعار وحبة رومانسية
كلة تسالى
اية رايكم يا بنات