رد: هل هو خطية
كُتب : [ 05-28-2010
- 11:10 PM
]
بص يا عزيزى هسالك سؤال ممكن
لو خطيبتك سمحت لك بالملامسة وخليتك تلمس جسدها وانتوا مخطوبين انت شعورك هيكون اية ؟
انا عايزاك تجاوب نفسك وبصدق وامانة
لو حسيت انك مبسوط وحسيت بمتعة تبقى مش امين عليها واوكدلك انها مجرد لذة وقتية زى ما حصل مع ثامار واخوها اللى قتلة ابشالوم
وهى لو سمحت لك بدة انت مش هيكون عندك ثقة فيها بعد الزواج ولا هتقدر تستامنها على اسمك ونفسك وهى هتكون موضع شك مدى الحياة دا اذا العلاقة بينكم تمت اصلا وانتهت بزواج ان لم يكن فشلت وانفصلتوا بعد انت ما هتحس ببشاعة الموقف
دى حاجة
الحاجة التانية انت وهى لو سمحتوا لنفسكم بالملامسة اثناء الخطوبة مش هترسى الى هذا الحد وخلاص ممكن جدا هتتطور وتكبر حبة حبة وتوصل للخطية ومتستهونشى بدة
لان الخطية طرحت كثيرين جرحى وكل قتلاها اقوياء
الخطوبة دى فترة جميلة بتعرف كل طرف على التانى وبيتفاهموا على امور حياتهم وبيتفقوا على كل حاجة هتكون بينهم وازاى هتكون حياتنا وربنا هيكون رقم كام فى حياتنا وهكذا وبياخدوا على بعض من خلال اللقاء مرة واثنين وعشرة وعشرين بس فى حدود الصح مخطوبين يعنى اخوات وممكن جدا الخطوبة تفشل وميتفقوش ساعتها ميبقاش خسرنا حاجة ونقول ربنا ماردتشى لكن لو حصل ملامسات جسدية هتبقى مشكلة
ربنا يدبر حياتك ويرشدك لطريق النور ويديك حكمة ونعمة وافراز وتحكم فى الخطية
|