كوكو: هل الحب خطيه
انكل بطوط : اى نوع من الحب
كو كو : هو الحب كمان انواعهل الحب خطية؟
انكل بطوط : طبعا ..فى 3 انواع من الحب ..اول نوع هو الحب الانانى يسمى (الايروس)
كوكو : مش فاهم حاجة
انكل بطوط : النوع ده من الحب فيه الانسان بيفكر فى نفسه وبس ومايعملش حساب الآخرين ، مثلا زى ما الولد يبص للبنت نظرة جنسية بحتة ( والعكس) عايز ياخد منها شهوة وبس لكن لا ينظر لها على انها صورة الله وروح الله ساكن فيها ، زى العيل الصغير يقول لماما ماليش دعوة عايز اللعبة دى وخلاص ، وزى امنون وثامار فى العهد القديم لما اخذ منها شهوته وبعد كدة رماها وكرهها جدا ..على فكرة النوع ده من الحب هو ادنى نوع .
كوكو : طيب والنوع الثانى
انكل بطوط :النوع الثانى من الحب هو الحب الرومانسى ويسمى فى علم النفس ( حب الفيليا ) ، هو يمكن افضل شوية من الحب الانانى البدائى اللى فات ، وفيه شوية احترام متبادل من الطرفين وكل طرف يمكن بيفكر فى التانى شوية لكنه يعتمد اكتر على العاطفة ، يعنى الشخص بيجرى وراء مشاعره ويندفع بدون تفكير ولا تقدير للمسؤلية ، زى مثلا شاب معجب ببنت وحصل ملاطفة واعجاب بين الطرفين ، لكنه هو مثلا مش مستعد للارتباط حاليا ( مفيش فلوس) هى سنها صغير واهلها ما يعرفوش حاجة عن الموضوع وهما بيتقابلوا ، دون ارتباط رسمى ، ومش عاملين حساب كلام الناس ولا المجتمع ولا الكنيسة كل همهم انهم يكونوا مع بعض ومش مهم اى اعتبارات وكل حاجة بعدين تدبر .....
النوع ده فى مشاعر ..لكن مفيش عقل يفكر ..الصح انك لازم تحب بقلبك وتفكر بعقلك لازم الاثنين .
كوكو : والنوع الثالث؟
انكل بطوط : النوع الثالث هو اسمى واحلى واجمل نوع ..هو الحب الحقيقى ..وبيسموه ( حب الاغابى )
الحب ده زى حب الله للانسان ..حب مجانى بدون مقابل ، حب يتميز بالعطاء دون انتظار الاخذ ، حب يسامح ويغفر ، حب يتميز بالحنان والتضحية والبذل من أجل الآخر ، حب يقدر الانسان ، يحترم الآخر لشخصه وليس لاجل ماله او جماله .. له عقل يفكر ويخطط ويدبر ، له قلب يشعر ويحس .
هو الحب الذى يجب ان يكون بين الاصدقاء وبين المتزوجين والمقبلين على الزواج لانه حب نقى وطاهر وله هدف سامى واضح وصريح.
كوكو : فهمت .. ولكن متى يكون الحب خطية ؟
انكل بطوط :يكون خطية اذا كان هناك شهوة او هدف غير سليم او بعيد عن عيون الناس فالشىء الذى تخاف ان تفعله امام الآخرين تاكد انه غير شريف .
ويمكن ان يكون خطية اذا دعاك الحب ان تفعل خطية...زى مثلا البنت تقول لأمها انا رايحا الدرس وهى رايحا تقابل الواد الحليوة ابن الجيران .( يعنى بتكذب).
والحب يضر صاحبه اذا كان فى الوقت الغير مناسب ، يعنى علشان ترتبط لازم تكون مستعد ماديا ونفسيا وفكريا .
كوكو: مش فاهم
انكل بطوط : يعنى ما ينفعش واحد 18 ولا 19 سنة يقول اروح اتجوز ولا بنت 17 ولا 16 تقول جوزونى لييييه؟
لان الانسان ليه وقت معين للنضج الجسدى والنفسى والعقلى والقدرة على تحمل المسؤلية