سلام الرب يسوع يشملنا كلنا :
القصه غريبه شويه بس احترت فيها فى الحقيقه صاحبتى محتاره خالص ومش عارفه تتصرف ازاى ,
القصه ان صاحبتى اتجوزت من 3 سنين وعندها ابن جميل خالص وفرحانه بيه جدا بس محدش مشاركها فرحتها بالعكس
هى وجوزها عايشين مع اهل جوزها فى شقه فى نفس العماره , وهما 3 اخوات ولاد الكبير متجوز وعنده بنتين والصغير متجوز وعنده بنت ومراته حامل وهو الوسطانى عندهم الولد بعد سنتين جواز
الاخ الكبير بناته فى ابتدائى وحاولو يجيبوا تانى بس ربنا مش رايد,
الاخ الصغير اتجوز بعدهم بشهور وجاب بنت بس كان عايز ولد وكان بيعامل ابن اخوة وحش خالص وكل مايشوفه العفاريت تتنطط ويشتمه ويتريأ عليه لحد ما خخلى مراته تحمل تانى والحمدلله فيها ولد بقى يبوسه ويلاعبه
بس دلوقت مراته فى الشهور الاخيره وهما متغاظين خالص علشان هى تعبانه ومش مهتمين ببنتهم وشايلين هم طفلين خاصه ان البنت متعبه جدا
ورجع تانى كل مايشوف ابن صاحبتى يشتمه ويقوله العبيط والزباله وهى بصراحه مش عارفه ترد عليه ومش عايزه تعمل مشاكل خاصه ان حماتها وحماها قالوله اكتر من مره وهو مصر على الاساءه من غير سبب غير الحقد والغيره من صاحبتى وزوجها
ازاى صاحبتى تتعامل معاهم؟؟؟؟؟؟؟؟؟؟
ربنا معاكم