يارب تعتبرى زى اخوك الصغير عشا تفهم معنى كلامى بالظبط

عارف ؟ سن 15 سنة ده كان صعب عليا و علي معظم اصحابي لانه كان فيه اصحاب لينا بيكونو فخورين اوي انهم عارفين معلومات جنسية او لانهم بيقولوا تعليقات ظريفة قدام مدرس الاحياء

ممكن يكون اخوك بيحاول يقلدهم او نفسه يعمل او يبقى زيهم
بس بجد انت لو نزلت لسنه و حاولت تعرف السبب اكيد هتعرف العلاج المناسب ، بس طبعا بلاش تقوله خاااااالص انك عرفت بحكاية المواقع ، حاول تشغله بحاجة تانى يعنى " العقل الفاضى معمل للشيطان " فلو شغلت عقله بحاجة تانية هيتلخم فيها . حاول تلعب معاه اى لعبة بيحبها ( كورة ، جولف ، سلة ، .. اى رياضة جسدية تكون مرهقة شوية ) لان الارهاق الجسدى بيخلى الواحد عايز ينام مش يعمل اى حاجة تانى

قوله انه فيه ناس مش بتفهم غرض ربنا الحقيقى من الجنس و انهم بيعملوا اساليب كتير بيشوّهو بيها جمال الطبيعة اللى خلقها ربنا ، قوله كمان ان اللى بيدخل على الحاجات دى مش مجرم ولا وحش ولا شرير انما بس حد تعبان شوية و بيعوض عن اى كبت نفسى بس بطريقة غلط ، قوله ان ربنا مش بيزعل من الحد ده و مش بيكرهه انما بيزعل عليه

و اهم حاجة : اوعى تضحك او تبين انك مكسوف او ان الكلام ده عيب او حرام . خلى كل حاجة بإطار علمى و مسيحى

و واثق ان ربنا هيبارك تعبك و حبك ليه و هيعوضك جدا