† باسم يسوع الفادي المخلص †
اليوم : 5-11-2008
الموافق : الأربعاء
الحدث : الخروجة الشهرية الثامنة
الساعة : تقريبا 9 لما خرجنا من الدهبية
الموقف : تعدية الشارع !
تفاصيل الموقف : كنا ماشيين عشان نروح بقي بعد الاستمتاع بيوم جميل من إحدي الخروجات الشهرية
وكان في ناس عدت الرصيف
بس كان العربيات كتيرة اوي اوي اوي
وانا كنت في الوش هههههه وفي ناس عدت
بس انا وعماد crazyomda و ميكي Micky مش عدينا فضلنا مستنين
راح جة الاخ ميكي ووقف جنبي اتجاة العربيات وعدنا بكل سهولة مع انه كان هيتداس ويكون شهيد الخروجات الشهرية ههههههههههههههههههههههههه هههههههههه
المهم بعد ما عدينا قال كلمة غريبة قال شفتم عديتكم ازاي افتكروني بتاع شرطة بوقفهم هههههههههههه
انا اليوم دة استفدت حاجات كتيرة اوي من استاذ ايمن من كلمتة
ولكن ...
استوقفي الموقف مع حبيبي ميكي من ربع ساعة بس
وحبيت اناقشكم في الحدث او الموقف واللى حصل فية
1- نفرض ان بعد الشر السواق موقفش وشال ميكي ههههههه بعد الشر يعني 
علية دة حبيبي
اية اللي كان هيترتب على كدة ؟
أ- اكيد كنت هنهار وهيبقي ميكي اتصاب بدالي بسبب انه عاوز يعمل جدع ويعدينا الشارع ههههههههههههههه عشان منقفش كتير
ب - ان هفضل طول عمري افكر ان ازاي واحد يتصاب بدالي وكتر خيرة ومكنتش هسامح نفسي ابداً لأنه اخد مكاني
ج - اية ذنب ميكي ان دة يحصلة مع ان انا بغبائي اللى اخترت المكان اللى اقف فية في وش المدفع اقصد العربيات يعني
د - هل ميكي كان هايسامحني في الموقف دة ؟
طيب دلوقتي تعالوا معايا كدة نرجع بالزمن حوالي 2008 سنه
في يوم من الايام وفي وقت من الاوقات
اتولد ملك عظيم في مزود صغير وعاش حياة الفقراء
ومعلمش اي ذنب خالص ولا حتة هو اللي جة في وش العربية
( هتشبها بالخطية )
زي ماانا عملت وجبت الشر لنفسي
ووقف مكاني ومات مش اتصاب بس
دة ماااااات واتشتم واتحمل اهانات كتيرة اوي بدالي
اية موقفي منه ؟
اية موقفي منه وهو مااااات وضحي بدمة اللي مفهوش اي دنس ولا اي خطية ولا اي حاجة وحشة عملها في حياتة عشاني ؟ اية موقفي دلوقتي ؟
لية ؟
سؤال يطرح نفسة لكل الناس
ليييييييية ؟؟؟؟؟؟؟؟
لية احنا كل يوم بنصلبة من جديد بخطايانا
لية كل يوم بنحط ربنا قدام الخطية كأمر واقع وبنغلط كتير اوي اوي اوي اوي اوي
وفوق دة كله
اسمحولي اقولكم
اننا معندناش دم
لان بعد كل دة واحنا باردين
مش حاسين بانه مات بدلنا
مش حاسين ان الصليب والالام دي المفروض انها مصيرنا الاساسي ومن غيرة مكناش خلصنا ومن غير دمة
لية مش بنشكرة على فدائة وبنتذمر ونقول انت فين ومش بتعمل ومش بتعمل
لية منعملش بكلامة
" أطلبوا اولا ملكوت الله وهذة كلها تزاد لكم "
؟ لية لية لية ؟
مش كفاية علينا انه فدانا
اه احنا لينا احتياجات ولكن زي ما هو قال اطلبوا اولا ملكوت الله وبرة وهذة كلها تزاد لكم
واحب اضيفلكم عليها
ودمة
وحبة
حنانة
وغفرانة
معلش انا رغاي
وهقفل الموضوع على كدة عشان لو اتفتحت محدش هيعرف يسكتني هههههههههههههههه
ياريت كل واحد يقولي رأية اية في الموضوع دة
وشكراً لميكي اللي خلاني افكر في الموضوع دة من جديد
Narmar
صلوا من أجلي
