لما بيجيلنا رسالة massageبنعمل ايه؟؟؟؟؟؟؟؟
كل شوية بنقراها لغاية منحفظها ونبقي فرحانين جداااااا
ان فيه حد فاكرنا ومهتم بينا وبعتلنا رسالة
وانهاردة فيه حد مقدم لك رسالة وعايزاك تقراها باهتمام
بجد اوعد انك تهتم بيها وتقراها بجد ياللا اوعد ياللا بقي
ابني الحبيب
!!!مش هينفع نفضل بعيد عن بعض كدا...أنا حاسس أنك مخاصمني
اصل انا كل يوم بستناك تحكي معايا وانت مش بتيجي فقلت اجيلك النهردة أحكي معاك
كلامك معايا هو لذة بالنسبة ليا....أنا صديقك وعاوزك انت كمان تكون صديقي...خدني معاك في كل خطوة
انت لسة زعلان مني عشان محققتلكش.....اللي طلبته مني ؟
صدقني هتعرف بعدين ...في السما هبقى احكيلك كل حاجة
فاكر اليوم اللي كنت مضايق فيه جدا بسبب....؟
انا كمان كنت مضايق جدا يوميها..انا بضايق لما حبيبي بيضايق
وفاكر اليوم اللي بكيت فيه بسبب.....؟
انا كمان عيني دمعت اول ما انت بكيت وإيدي كانت تحت عنيك بتلقط كل دمعة نزلت...دموعك دي جواهر ثمينة عندي
أنا عارف ان اوقات كتير بتحس انك لوحدك وماحدش فاهمك...لكن وقتها انا مبستحملش أشوفك وحيد فبجري اقعد جنبك لكن انت مش بتاخد بالك...وصدقني ببقى فاهمك وحاسس بيك لأبعد ما تتخيل
فاكر وقت التجربة... اللي مريت بيها..؟
انا عارف ان انت لما كنت بتصليلي كنت فاكرني مش سامعك لكن في الحقيقة انا مكنتش معاك من اول التجربة..بس دا من قبل ما تبدأ التجربة انا كنت معاك وبجهزلك الحل...صدقني انا دايما سامعك..حتى الكلام اللي مش بتقوله انا بسمعه
أنت قلقان على مستقبلك ؟
هسألك سؤال :هو انت اللي كنت دبرت حياتك اللي فاتت ولا انا ؟ خلاص سبني أنا أدبر مستقبلك..متقلقش انا هكون معاك لو حصلت اضطرابات في حياتك ماتقلقش انا عارفها ....إذا كنت انا بهتم بالعصافير...معقولة مش ههتم بيك؟
أنا مش ناسي الأيام الجميلة امت كنت قاعد بتسمع كلمتي..كان شكلك جميل قوي...عمري ما هنسى اي يوم كنت فيه في كنيستي...عمري ما هنسى اي ذرة تعب قدمتها علشاني حتى انت لو كنت شايف ان عملك صغير لكني شايفه كبير جداا..لأنك كنت بتتعب علشاني
أنا بافرح خالص بأي خطوة أنت بتخطوها ناحيتي حتى لو كانت مجرد زيارة كنيسة او سماع ترنيمة او قراءة قصد أحد القديسين..فمن فضلك متهملش أي اشتياق في قلبك ناحيتي لكن حوله ألى فعل ولو صغير , هيكبر بالتدريج
أنا عارف أنك مكسوف تيجي تكلمني علشان الخطية...اللي كل ما بتوب عنها بتقع فيها تاني لكن فكر نفسك كل شوية إنك أبني وانا مستعد أسامحك عن كل حاجة لما تيجي لحضني اللي مستنيك في كل لحظة
أنت مش عارف أنا بحبك قد ايه ..انت غالي عليا قوي..أنا بحبك أكتر من حبك لنفسك..نفسي أمتعك بمحبتي
على فكرة لو انت عايز ممكن نبدأ السماء من هنا..انا نفسي نبدأ بداية بس انت اللي لازم توافق
:ولو وفقت هنتفق على شوية حاجات
1- كل ما تحس أنك تعبان ومضايق تعالى وأحكي معايا...هتلاقيني مستنيك في مخدعك
2-هنستحمل شوية تعب صغيرين على الأرض بس متقلقش...كل التعب اللي في الأرض دا ولا حاجة بالنسبة للمكان الرائع اللي انا حاجزهولك عندي في السماء
3-كل ما تقع قوم من تاني وأوعى تيأس...مكانك عندي
4- متخصمنيـــــــش تانــــــــــــي
ودلوقتي طالما أتصالحنا
ممكن أقعد جنبك النهاردة وانت نايم ؟؟؟