رد: لماذا لا يحب المخدومين مدارس الأحد ؟ نوضوع للنقاش
كُتب : [ 07-17-2013
- 10:30 PM
]
بصراحة موضوع رائع يا ماريو
بس اسمحيلى عندى تعليق صغير
موضوعك بيشمل كذا نقطة وكذا موضوع فى موضوع واحد
طيب انا هحاول اجمع الرد بقدر الامكان وارد على النقط بالراحة
اولآ : +المشكلة الاولى: مشكلة أطالة الوقت:
الخادم لازم يفهم ان الطفل مش خزان بيخزن فية زى ما هو عاوز الطفل لية طاقة محدودة فعلآ والاطالة دى بتزهق جدآ احنا نفسنا الكبار انا واحدة من الناس مش بحب التطويل والرغى الكتير فمبالك من الاطفال ؛ ولو فرضنا ان الطفل مش بيحب الخادم محبة حقيقية هنلاقية يعمل مشاغبة وقلق ؛ ولو بيحب الخادم هيعقد ساعت بس عشان الخادم ميزعلش منة بس من جواة هيكون مكبوت
النقطة التانية : + المشكلة الثانية: مشكلة السخرية و الاهانات:
محدش بيحب حد يسخر منة احنا الكبار مش هنستحمل السخرية من حد فمبالك من طفل اللى المفروض ان مشاعرة انقى وارق
حذارى من السخرية بالطفل لانها نوع من انواع القتل المعنوى . احنا كدة بنقتل فية ثقتة فى نفسة حرام
النقطة التالتة : + المشكلة الثالثة: مشكلة التمثيليات:
هنمثل على ولادنا جوة هيكتشفوا حقيقتنا برة وساعتها هيبقى الموقف صعب صعب عثرة لية واحراج ليك يا خادم . الطفل ذكى جدآ وبيلقط وبيراقب كل تصرفاتنا وكأنة بيتأكد من صدق تعاليمك لية . فأحذر بقى
النقطة الرابعة : + المشكلة الرابعة: شرح غير وفى:
بصراحة موضوع الشرح دة بقى مش بيكون تأثير من الخادم قد ما هو قلة قدارت ومواهب . بمعنى
هو مش عارف يشرح حلو وطريقة القائة مش حلوة بس نظرآ لعجز الخدام فى الكنائس بيتضر يشرح . دة اللى انا شايفاة من خلال الحياة المعاشة عشان مش عاوزة اقول كلام مثالى وخلاص
النقطة الخامسة : + المشكلة الخامسة و المهمة جدا: مدارس الاحد الحقنة!
اما موضوع الحقنة دة بقى انا مش بحبة خالص لانى بخاف جدآ من الحقن بصراحة هههههههه ..
طيب معلش يا ماريو انا شايفة ان التشبية دة مبالغ فية شوية بالنسبة للاطفال لان دة ممكن يكون فى مراحل اعدادى وثانوى هما فعلا اللى بيحسوا ان الاجتماع عامل زى الحقنة لكن الاطفال بحس انهم بيتراضوا بأقل حاجة وابسط حاجة وبيجوا بإرادتهم مش غصب عنهم زى اعدادى وثانوى ممكن ميكونوش بيستمتعوا ببعض الفقرات او ببعض شرح الخدام لكن دة مش بيكون دايمآ فبيستكفوا بالجزء الجميل اللى بيستفدوة لسة متعلموش يركزوا على السلبيات اكثر من الايجابيات زى اعدادى وثانوى
واخيرآآآآ اعتذر عن التطويل واشكرك يا ماريو على موضوعك الرائع اللى اكييييد هيفيد ناس كتير ربنا يعوضك
|