فيه حاجات كتير ينفع نقولها عن المعجزات اللي حصلت عشان يسوع ييجي الأرض. لكن مش هنلاقي تعبيرات كفاية ولا كلام نقوله يكفي عظمة الحقيقة دي. عشان كده، هنسكت احنا وهنسيب ربنا يكلمك ويقول الحقيقة كلها لقلبك.
عيد ميلاد يسوع قرب أوي وعشان كدا في الأيام القليلة اللي جاية اقرأ في الكتاب كتير، هدي روحك وافهم اللي ربنا هيقولهو..يكلمنا كلنا.. كل اسم بيشرح واحد من الأسماء الكتيره لربنا، وهنقولك شوية حاجات تساعدك وتدربك على سماع صوت ربنا.. كل مرة تتفرج على صورة أو تتأمل في آية اسأل نفسك شوية الأسئلة ديه من ربنا :
- عايزني اشوف أيه أو أتعلم أيه من الصورة دي؟
- عايزني أعرف أيه عن ابنك من الصورة ديه أو من الإسم ده؟
أتمنى نعرف ناخدك من زحمة اليومين دول وتركز مع ربنا شوية. الملك العظيم اللي ساب عرشه عشان ييجي الأرض ويتجسد ويموت عشانك... الكلام ليك إنت وليكي إنتي لكل واحد بيقرا الموضوع دا شخصياً...
دا مش كلام كدا وخلاص لأ دا اللي ربنا جيه عشانه وهوا انت حتى لو كنت آخر شخص على وش الأرض أو حتى إنت المخلوق الوحيد كان بردوا هييجي ليك عشان بيحبك...
هنقولك هنا عن شوية أسماء لربنا وآيات عليهم فكر واتأمل فيهم عشان يساعدوك...
أول اسم : كوكب الصبح المنير
"أنا يسوع أرسلت ملاكي لأشهد لكم بهذه الأمور عن الكنائس. أنا أصل وذرية داود. كوكب الصبح المنير." (رؤية 22 : 16)
تاني اسم : الحَمَل
"وفي الغد نظر يوحنا يسوع مقبلاً إليه فقال هوذا حمل الله الذي يرفع خطية العالم." (يوحنا 1 :29)
تالت اسم : الأسد
"فقال لي واحد من الشيوخ لا تبك. هوذا قد غلب الأسد الذي من سبط يهوذا أصل داود ليفتح السفر ويفك ختومه السبعة." (رؤية 5 :5)
رابع اسم : الطريق
"أنا هو الطريق والحق والحياة. لا أحد يأتي إلى الآب إلا بي." (يوحنا 14: 6)
خامس اسم : أمين وصادق، عادل ومحارب
"ثم رأيت السماء مفتوحة وإذا فرس أبيض والجالس عليه يدعى أميناً وصادقاً وبالعدل يحكم ويحارب.... والأجناد الذين في السماء كانوا يتبعونه على خيل بيض لابسين بزاً أبيض ونقياً" (رؤية 19 : 11، 14)
الأسامي لسه مخلصتش... في أسامي كتيير تاني وعاني كتيير ابدأ بدول وسيب مجال لربنا يكلمك ويقولك اللي في قلبه ليك... صدقني انت وانتي الكسبانين....