مساء الخير
انا حبيت اكتبلكم عن مشكلتى وارجو ان حد يساعدنى انا كنت من 3 سنوات اتعرفت على شاب عبر الانترنت وكنا بنتكلم كأصدقاء مش اكتر و بمرور الوقت صارحنا بعض بالاعجاب وابتدينا نتكلم عالموبايل وشويه شويه طلب اننا نتقابل عشان نقرب من بعض اكتر عشان موضوع ارتباط المهم اتكلمت مع اب اعترافى و قالى انى مش لازم نتقابل لوحدنا المهم اخدت مامتى معايا واتقابلنا و بعد كده استأذت مامتى واتقابلنا مره تانيه وماتقبلناش تانى لانى حسيت ان كده كتير ومش لازم نتقابل تانى قبل مايكون فى حاجه رسمى وهو ماكنش مقتنع بده وطلبت منه ان يجى ويتكلم مع اب اعترافى قالى ماشى واديته رقم اب اعترافى وكلمه وابونا طلب انه يقابله بس قاله حاضر واداله ميعاد بعد العيد ولما سالته ليه مارحش قالى انا سايبها مفتوحه لحد ما ربنا يدبر ودى حاجه زعلتنى منه وفضلنا نتكلم عالموبايل ولما اجيبله سيرة انه هيتقدم امتى يقول ان الفلوس موجوده الحمدلله بس المشكله ان ليه اختين اكبر منه لازم يطمن عليهم الاول خصوصا ان والده متوفى المهم انا اضايقت لانه ماصرحنيش بالنقطه دى قبل كده وحسيت انى لازم ابعد عنه وصارحته وقررنا اننا نبقى اصدقاء لانى بصراحه كنت محتاجه لاهتمامه و انى اتكلم معاه خصوصا ان والدى متوفى وماليش اخوات ولاد المهم اننا فضلنا نتكلم وكنت ساعات بقوله انى هقابل عريس وده حقيقى مش كدب وهو كان بيتناقش معايا كأخ ومكنتش بحس اكتر من كده بس بردوا ساعات كنت بحس ان لسه فى حاجه ناحيتى المهم انه خطب و لما سألته امال ايه موضوع اخواته ده قالى انه استنى كتير وكان بيقول ان موضوع اخواته ده لفترة مؤقته المهم انى مسحته من الاصدقاء عندى عالفيس وهو اضايق وقالى انا كنت فاكر اننا اخوات ولما انتى كنتى بتقابلى عرسان عمرى مازعلت ولا مسحتك من الاصدقاء المهم انى مش قادره انساه و حاسه بالذنب لانى انا اللى ضيعته من ايدى لما ماستنوش وكمان انى جرحتوا كتير لما كنت بقابل عرسان واحكيله رغم انى حاسه ان فى مشاعر وبجد مش عارفه اعمل ايه عشان اخلص من الشعور ده .