[شنوده جرجس]

أخى الحبيب صدقنى أنا حزنت جداً لقراءة هذه الكلمات وحاسس كأن بيت العيلة هيتقفل وكل واحد فى العيلة هيتشرد ولآخر لحظة كنت عارف أن المنتدى مش هيتقفل وبرغم رؤيتى لعداد العد التنازلى للغلق برضه مكنتش مصدق وقلت أكيد فيه حل يمكن الكنيسة التابع لها الموقع تساهم فى بقاءه وحتى لو سمح ربنا لم يريد وتحول لمدونة أكيد غالبية الأعضاء سيتوجهون إلى منتدى أخر وسيكون الترابط ليس بقوة منتدانا لأنهم سيكونون ضيوفاً صدقنى أنا مشترك فى منتديات أخرى ولكنى لا أشارك فيها أبدا لأن كل محبتى وإقتناعى وإرتباطى فى هذا المنتدى فقط وباقى المنتديات ممكن أدخلها كل عدة شهور مرة يعنى تقريباً مفيش أى تفاعل سوى فى أرثوذكس فقط أنا الآن حقاً حزين وفى شدة الأسى وحقيقى تعبان وحاسس بتعب وألم فى القلب ومش لاقى أى حاجة أقولهالك لأن الكلام فقط مفيش منه فايدة والفايدة الحقيقية فى الفعل ولى رجاء عندكم أرجو فتح صفحة فى منتدانا وإعطاء فرصة أخيرة للأعضاء ولو شهر واحد فإذا إستمر الحال على إهمال المنتدى من الأعضاء يبقى مفيش حل غير التحويل إلى مدونة وإذا الكل أحس بالإهمال وإنصلح الحال يبقى فى هذه الحالة يستمر المنتدى وشكراً لك على مبادرتك وغيرتك على المنتدى والرب يعمل الصالح .